تۇركىستان وبلىسىندا دەپۋتات كاسىپكەردى سوققىعا جىققان، دەپ حابارلايدى “ادىرنا” ktk.kz-كە سىلتەمە جاساپ.
بۇل وقيعا قازىعۇرت اۋدانىنداعى قىزىلقيا اۋىلىندا ورىن العان. كاسىپكەر اۋداندىق دەپۋتاتتىڭ وزىنە قول كوتەرىپ، دەنە جاراقاتىن سالعانىن ايتقان.
دەرەك بويىنشا، دەپۋتات ياسساۋي ءمۇسلىم ءوز اۋىلداسى، كاسىپكەر مۇستافا الجانوۆپەن كيكىلجىڭگە كەلگەن. جانجالعا سەبەپ - كاسىپكەردىڭ مالى بولعان سەكىلدى.
كاسىپكەردىڭ 150 باس ءىرى قارانى اۋىل ىشىندەگى قوراعا اكەلۋى تۇرعىنداردىڭ نارازىلىعىن تۋدىرعان. بۇل ىسكە اۋدان دەپۋتاتى ارالاسىپ، ارتى توبەلەسكە ۇلاسىپ كەتكەن. وڭباي تاياق جەگەن كاسىپكەر ونشاقتى كۇن اۋرۋحاناعا جاتىپ شىعىپ، پوليتسياعا ارىز تۇسىرگەن. الايدا، دەپۋتات “ەشكىمدى ۇرعان جوقپىن” دەپ اقتالۋدا.
اۋىر سوققىدان زارداپ شەككەن جابىرلەنۋشىنىڭ مۇرنى سىنعان، قاباعى قارس ايىرىلعان.
45 جاستاعى كاسىپكەر اۋرۋحانادا 11 كۇن ەمدەلىپ كۇنى كەشە شىققان.
قازىر بۇل ءىس اۋداندىق پوليتسيا دەپارتامەنتىنىڭ قاتاڭ باقىلاۋىندا.
