نۇرگەلدى ابدىعاني: بايبەك باستاپ كەتكەن "باسسىزدىق" ءالى جالعاسىپ جاتىر...

8347
Adyrna.kz Telegram

الماتىداعى «راحات» بازارىنىڭ اينالاسىنداعى داۋ ءالى باسىلماي تۇر. بازار كاسىپكەرلەرى 7 اي بويىنا جارىقسىز وتىر. امالدىڭ جوقتىعىنان جۇمىلىپ گەنەراتور قوسقان ازاماتتار وسى ۋاقىتقا دەيىن 12 ميلليون تەڭگە شىعىن كورگەن.

زاڭگەر باقىتجان بازاربەك پەن «راحات» بازارى قارايتىن «تكم» جشس-ءنىڭ وكىلى، زاڭگەر جاميليا تۋلەنوۆا «الماتى قالاسى اكىمدىگى زاڭدى بەلشەسىنەن باسىپ، سوت شىعارعان شەشىمدى ورىنداماي وتىر»، - دەيدى. باقىتجان بازاربەك وسىعان بايلانىستى پرەزيدەنت قاسىم-جومارت توقاەۆتىڭ اتىنا ۇندەۋ جولداپتى.

«راحات» بازارىنىڭ كاسىپكەرلەرى جەتىسۋ اۋدانى اكىمى تاراپىنان «قوناق-لوقى» كورىپ جاتقانىن حابارلاپ، باق-قا شىققان. كاسىپكەرلەردىڭ ايتۋىنشا، اكىم كاسىپكەرلەرگە كەلىپ: «1 ايدا جەردى بوساتپاساڭدار، بۋلدوزەر اكەلىپ، بۇزىپ تاستايمىن»، - دەگەن. ءتىپتى، بازار ورنالاسقان جەردىڭ ەلەكتر جارىعى دا وشىرىلگەن. سودان بەرى ساۋداگەرلەر جارىقسىز قالعان. بازار زاڭگەرلەرى بايبەكتى سوتتا جەڭىپ، وزدەرىنىڭ قۇجاتتىق جاعىنان زاڭ بۇزباعاندارىن دالەلدەسە دە، باسسىزدىقتاردىڭ توقتار ءتۇرى جوق.

بازارداعى جۇرت قاراپايىم حالىق. كۇن سايىندى ساۋدادان تاپقان تابىسىمەن وتباسىن اسىراپ وتىرعان جۇرت. جەرگىلىكتى باسشى-قوسشىنىڭ باسسىز ارەكەتى ەرتەڭ سايلاۋ كۇنى حالىقتى سايلاۋعا ەمەس، ميتينگكە يتەرمەلەمەسىنە اكىم دە، باسقاسى دا كەپىل بولا المايدى. جارىعىڭدى ءسوندىرىپ، سۋىڭدى قيىن، تۋالەتىڭدى بىتەپ تاستاسا قالاي ءومىر سۇرەسىڭ؟ قايداعى سايلاۋ؟...

نۇرگەلدى ابدىعاني

پىكىرلەر