قازاقستاننىڭ ەڭبەك سىڭىرگەن قايراتكەرى، اكتەر اسقار نايمانتاەۆ ءوزىنىڭ Facebook پاراقشاسىنا 1986 جىلعى جەلتوقسان وقيعاسى تۋرالى اسەرلى جازبا جاريالادى، دەپ حابارلايدى “ادىرنا” ۇلتتىق پورتالى.
“بۇل كۇندى ۇمىتپايمىن. ۇمىتتىرمايدى. جاقىنداعان سايىن ارقاعا تيگەن سويىلدىڭ ورىندارى جىبىرلاپ، جارىلعان قارنىمنىڭ تىرتىعى سىزداپ، قان ارالاسقان اپپاق قار كوزگە ەلەستەپ، تەرگەۋدەگى تەپكىلەر ەسكە ءتۇسىپ، "سول مەنى تەپكىلەگەن پوليتسەيلەر قازىر قايدا ەكەن، نە ايتىپ ءجۇر ەكەن؟" - دەگەن ىزالى سۇراق ميدان كەتپەي تۇرىپ الادى. "تسەليننىي" كينوتەاترىنىڭ جانىنداعى گۋۆدنىڭ پودۆالىندا "بەتىنە تيمە، دەنەسىن اياما!" - دەگەن ءۇش پوليتسەي دە قازاق ەدى... بىرەۋى عاناورىسشا سويلەيتىن.
جاتاقحانادا ۋكراينادان كەلگەن ءۇش كگب قىزمەتكەرى كوكتەمگە دەيىن جاتىپ الىپ، ءبىر بىرلەپ كومەندانتتىڭ بولمەسىنە شاقىرىپ الىپ تەرگەيتىن.
ەستەن كەتپەيدى. جاڭا جىلدىڭ شىرشاسىمەن بۇركەمەك بولادى ۇكىمەت، "تاۋەلسىزدىك كۇنىنىڭ" قالقاسىنا جاسىرعىسى دا كەلەدى.
ءبارىبىر ءبىز ءتىرىمىز امال جوق، سوندىقتان سۋماڭداپ شىعا كەلەمىز. ءبىز بارمىز، ءتىرىمىز! ۇمىتپايمىز، ۇمىتتىرمايمىز!”،- دەپ جازدى اسقار نايمانتاەۆ.
