پەتروپاۆلداعى كوپقاباتتى ۇيلەردىڭ بىرىندە شاتىر وپىرىلدى، دەپ حابارلايدى "ادىرنا" ءتىلشىسى.
قالا اكىمى سەرىك مۇحامەديەۆ Instagram پاراقشاسىندا كوپقاباتتى ۇيلەردىڭ بىرىندە شاتىر وپىرىلعانى تۋرالى جازدى.
"سوڭعى كۇندەرى قالادا قالىڭ قار جاۋدى. جاۋىن-شاشىننىڭ مولشەرى نورمادان ەكى ەسە كوپ بولدى. قار مەن مۇزدىڭ جينالىپ قالۋىنا بايلانىستى، بۇگىن اباي كوشەسى 84-ءى ءۇيدىڭ توبەسى ءىشىنارا وپىرىلىپ ءتۇستى. ايتا كەتۋ كەرەك، مۇندا شاتىردى جوندەۋ جۇمىستارى ەشقاشان جاسالماعان ەكەن. قازىرگى ۋاقىتتا ماماندار ءۇيدىڭ توبەسىن تەكسەرىپ جاتىر. كەيىن شاتىردى قالپىنا كەلتىرۋ ماسەلەسىن تۇرعىندارمەن بىرلەسىپ شەشەتىن بولامىز", - دەپ جازدى اكىم.
اكىمنىڭ ايتۋىنشا كوپپاتەرلى تۇرعىن ۇيلەردىڭ نەگىزگى بولىگى 80-ءشى جىلداردا سالىنعانىن اتاپ ءوتتى. ءتىپتى كەيبىرى سالىنعاننان بەرى جوندەۋ جۇمىستارىن كورمەگەن. سالدارىنان پودەزدەر ەسكىرىپ، عيماراتتاردىڭ توزىعى جەتكەن. اكىم:
سوندىقتان وسى سىندى اپاتتى جاعدايلاردى بولدىرماۋ ءۇشىن شاتىرلاردى قار مەن مۇزدان ۋاقىتىلى تازارتۋ قاجەتتىگىن اتاپ وتكىم كەلەدى،-دەپ جازدى.
