امەريكالىق كاسىپكەر، ميللياردەر جانە X الەۋمەتتىك جەلىسىنىڭ يەسى يلون ماسك ەۋروپا وداعىنا مۇشە بارلىق ەلدەردى ۇيىمنان شىعۋعا شاقىردى، دەپ حابارلايدى "ادىرنا" ۇلتتىق پورتالى ربك-عا سىلتەمە جاساپ.
ماسك بۇل مالىمدەمەسىن X جەلىسىندەگى @Mick_O_Keeffe اتتى قولدانۋشىنىڭ يرلانديانىڭ ەو-دان شىعۋ قاجەتتىگى تۋرالى جازباسىنا پىكىر رەتىندە قالدىرعان.
جازبادا اۆتور ەۋرووداق سوتتارىنىڭ يرلانديا بيلىگىن بوسقىندارعا باسپانا ۇسىنۋعا مىندەتتەگەن شەشىمىنە نارازىلىق بىلدىرگەن. يرلانديالىق سوتتار مۇنداي مىندەتتەمەنى جوققا شىعارعانىمەن، ەو سوتى وعان قارسى ۇكىم شىعارعان.
«يرلانديا ەۋرووداقتان شىعۋى كەرەك. مەنىڭ ويىمشا، بارلىق ەلدەر سولاي ىستەۋى كەرەك»، — دەپ جازدى ماسك.
ول ەۋرووداقتى ەۋروپاداعى دەموكراتيانى جويىپ جاتىر دەپ ايىپتادى.
ۇقساس جاڭالىقتار
