حالىقارالىق "شەكاراسىز رەپورتەرلار" ۇيىمىنىڭ مالىمەتى بويىنشا، 2022 جىلى كۇللى الەمدە 533 جۋرناليست ۇستالىپ، 57 مامان قازا تاپقان. مەكسيكا وسىمەن ءتورتىنشى جىل قاتارىنان باق قىزمەتكەرلەرى ءۇشىن ەڭ قاۋىپتى ەل رەتىندە تانىلدى. مەكسيكا جەرىندە 11 جۋرناليست ومىرىمەن قوشتاستى. مۇنداي دەرەكتەر جايلى "ادىرنا" ۇلتتىق پورتالى "Forbes.ru"-عا سىلتەمە كورسەتە وتىرىپ حابارلايدى.
الەم بويىنشا 2022 جىلدىڭ 11 ايىندا 533 جۋرناليست ۇستالعان. كورسەتكىش وتكەن جىلدان 13,4%-عا جوعارلاپ، رەكوردتىق مەجەگە جەتتى. مۇنداي دەرەكتەردى حالىقارالىق "شەكاراسىز رەپورتەرلار" ۇيىمى (RSF) جىل سايىنعى ەسەپ بەرۋ وتىرىسىندا ۇسىندى.
جۋرناليستەردىڭ باسىنا ەڭ كوپ بۇعالىق سالعان ەل - قىتاي. قازىر قىتايدا 110 مامان قاماۋدا وتىر.
"تسەنزۋراسى مەن باقىلاۋى ەكسترەمالدى دەڭگەيگە جەتكەن قىتاي ءالى كۇنگە دەيىن جۋرناليستەر ءۇشىن الەمدەگى ەڭ ءىرى تۇرمە بولىپ قالا بەرەدى",-دەدى RSF ماماندارى.
ۇستالعان، قامالعان، قۋدالانعان جۋرناليستەر سانى بويىنشا ەكىنشى ورىندا — ميانما مەملەكەتى، وندا 62 باق قىزمەتكەرى قاماۋعا وتىر. ودان كەيىن يران (47), ۆەتنام (39) جانە بەلارۋس (31) ەلدەرى جۋرناليستەرگە قىسىم كورسەتۋدە كوپتى وزدى. رەسەي ساقشىلارى، ۇيىمنىڭ مالىمەتى بويىنشا، 18 ءجۋرناليستى قاماعان.
بيىلعى ۇستالعان كاسىبي باق قىزمەتكەرلەرىنىڭ كاسىبي قىزمەتىنە 15%-ى ايەلدەر (78 جۋرناليست). كورسەتكىش 2021 جىلمەن سالىستىرعاندا 30%-عا كوپ. RSF وكىلدەرى بۇل كورسەتكىشتىڭ دە رەكوردقا اينالعانىن ايتىپ وتىر. مامارداردىڭ ايتۋىنشا، بەس جىل بۇرىن الەم بويىنشا ۇستالعان ايەل جۋرناليستەردىڭ ۇلەسى 7% - دان از ەدى.
"شەكاراسىز رەپورتەرلەردىڭ" سوزىنە سەكسەك، قازىر الەم بويىنشا كەمى 65 جۋرناليست پەن وزگە دە باق قىزمەتكەرلەرى كەپىلگە الىنعان. ەكەۋى حابار-وشارسىز كەتكەن. بيىلدىققا قاساقانا ولتىرىلگەن اقپاراتشىلاردىڭ دا سانى وسكەن. 57 ادام. ساندىق ستاتيستيكا 2021 جىلمەن سالىستىرعاندا 18,8%-عا ارتىق.
سونىمەن قاتار، RSF ءوز ەسەبىندە جۋرناليستەردىڭ تاعدىرىنا قاتىستى ەلدى ءدۇر سىلكىندىرگەن قادامداردى، بۇل جىلداعى وقيعالاردى دا اتادى. ونىڭ اراسىندا "ۆەدوموستي" جانە "كوممەرسانت" ءجۋرناليستى، "روسكوسموس" باسشىسى يۆان سافرونوۆتىڭ تاعدىرى بار. ول مەملەكەتكە وپاسىزدىق جاسادى دەگەن ايىپپەن قاتاڭ رەجيمدەگى كولونياعا توعىتىلىپ، 22 جىلعا باس بوستاندىعىنان ايىرىلعان ەدى. بۇل ۇكىم دە جىل تاريحىندا جۋرناليستەر ءۇشىن ەڭ اۋىر وقيعا بولىپ قالدى.
"ادىرنا" ۇلتتىق پورتالى
