جۋرناليستەردى قورعاۋ كوميتەتى ليۆان مەن گازا سەكتورى اۋماعىندا يزرايل سوققىسىنان كەيىن كەمى ءۇش ءجۋرناليستىڭ قازا تاپقانى تۋرالى اقپارات تاراتتى، دەپ حابارلايدى "ادىرنا" ۇلتتىق پورتالى.
ۇيىمنىڭ مالىمەتىنشە، وقيعالاردىڭ كەم دەگەندە بىرەۋى ادەيى جاسالعان شابۋىل بولۋى مۇمكىن.
يزرايل گازا سەكتورى مەن ليۆان اۋماعىنا سوققى جاساپ، سالدارىنان مۇحاممەد سامير ۋاشاح، گادا دايەح جانە سيۋزان حاليل ەسىمدى جۋرناليستەر قازا تاپتى.
مۇحاممەد سامير ۋاشاح — Al Jazeera Mubasher ءتىلشىسى بولىپ قىزمەت اتقارعان. گازادا ونىڭ كولىگىنە جاسالعان درون شابۋىلى كەزىندە كوز جۇمدى. ال ليۆانداعى اۋە سوققىلارى ناتيجەسىندە Sawt Al-Farah جۇرگىزۋشىسى گادا دايەح پەن Al-Manar TV جانە Al-Nour قىزمەتكەرى سيۋزان حاليل قازا تاپتى.
وقيعالار ليۆان اۋماعىنداعى بومبالاۋلاردىڭ كۇشەيگەن ساتىندە بولعان. باق دەرەگىنشە، يران، يزرايل جانە اقش اراسىندا اتىستى توقتاتۋ تۋرالى كەلىسىم جاريالانعاننان كەيىن نەبارى بىرنەشە ساعات ىشىندە 100-دەن استام سوققى جاسالعان.
