زاڭناما جانە سوت-قۇقىقتىق رەفورما كوميتەتىنىڭ وتىرىسىندا «ماسس-مەديا»تۋرالى زاڭ جوباسى قارالدى. بۇل تۋرالى ءماجىلىس دەپۋتاتى جارقىنبەك امانتايۇلى ايتتى، دەپ حابارلايدى «ادىرنا» ءتىلشىسى.
«ارىپتەستەر تاراپىنان بىرقاتار وتكىر ساۋال تۋىنداپ، جان-جاقتى تالقىلاپ باقتىق. كوميتەتتەن جوباعا وڭ قورتىندى بەرىلىپ بىرقاتار دەپۋتاتپەن بىرگە جۇمىس توبىنا كىردىم. ءوزىم دە ءبىراز جىل وسى جۋرناليستيكا سالاسىندا قىزمەت اتقارعاندىقتان ونداعى تۇيتكىلدەر، قوردالانعان ماسەلەلەر ماعان ەتەنە تانىس. الداعى ۋاقىتتا وسى زاڭ جوباسى اياسىندا اۋقىمدى جۇمىس كۇتىپ تۇرعانى انىق. تاس جارىپ، تاۋ قوپارماساق تا، حال-قادىرىمىزشە قىزمەت ەتەتىن بولامىز»،—دەدى ول.دەپۋتات وتىرىستا پرەسس-كارتانىڭ قولدانىلۋ مەرزىمى، جۋرناليستەر كۋالىگىنىڭ كوپتىگى سىندى بىرنەشە ماسەلەنى كوتەردى. ايتا كەتەيىك، 21 ءساۋىر كۇنى «اشىق نقا» پورتالىندا «ماسس-مەديا تۋرالى» زاڭ جوباسى جاريالانعان ەدى. زاڭ ماسس-مەديا سالاسىنداعى قوعامدىق قاتىناستاردى رەتتەيدى، تەلەراديو حابارلارىن تاراتۋ سۋبەكتىلەرىنىڭ قۇقىقتارى مەن مىندەتتەرىن جانە قر كونستيتۋتسياسىنا سايكەس بۇقارالىق اقپارات قۇرالدارىنىڭ بوستاندىعىنا مەملەكەتتىك كەپىلدىكتەردى بەلگىلەيدى.
ۇقساس جاڭالىقتار
