Halyqaralyq "Shekarasyz reporterlar" uıymynyń málimeti boıynsha, 2022 jyly kúlli álemde 533 jýrnalıst ustalyp, 57 maman qaza tapqan. Meksıka osymen tórtinshi jyl qatarynan BAQ qyzmetkerleri úshin eń qaýipti el retinde tanyldy. Meksıka jerinde 11 jýrnalıst ómirimen qoshtasty. Mundaı derekter jaıly "Adyrna" ulttyq portaly "Forbes.ru"-ǵa silteme kórsete otyryp habarlaıdy.
Álem boıynsha 2022 jyldyń 11 aıynda 533 jýrnalıst ustalǵan. Kórsetkish ótken jyldan 13,4%-ǵa joǵarlap, rekordtyq mejege jetti. Mundaı derekterdi halyqaralyq "Shekarasyz reporterlar" uıymy (RSF) jyl saıynǵy esep berý otyrysynda usyndy.
Jýrnalısterdiń basyna eń kóp buǵalyq salǵan el - Qytaı. Qazir Qytaıda 110 maman qamaýda otyr.
"enzýrasy men baqylaýy ekstremaldy deńgeıge jetken Qytaı áli kúnge deıin jýrnalıster úshin álemdegi eń iri túrme bolyp qala beredi",-dedi RSF mamandary.
Ustalǵan, qamalǵan, qýdalanǵan jýrnalıster sany boıynsha ekinshi orynda — Mıanma memleketi, onda 62 BAQ qyzmetkeri qamaýǵa otyr. Odan keıin Iran (47), Vetnam (39) jáne Belarýs (31) elderi jýrnalısterge qysym kórsetýde kópti ozdy. Reseı saqshylary, uıymnyń málimeti boıynsha, 18 jýrnalısti qamaǵan.
Bıylǵy ustalǵan kásibı BAQ qyzmetkerleriniń kásibı qyzmetine 15%-y áıelder (78 jýrnalıst). Kórsetkish 2021 jylmen salystyrǵanda 30%-ǵa kóp. RSF ókilderi bul kórsetkishtiń de rekordqa aınalǵanyn aıtyp otyr. Mamardardyń aıtýynsha, bes jyl buryn álem boıynsha ustalǵan áıel jýrnalısterdiń úlesi 7% - dan az edi.
"Shekarasyz reporterlerdiń" sózine seksek, qazir álem boıynsha kemi 65 jýrnalıst pen ózge de BAQ qyzmetkerleri kepilge alynǵan. Ekeýi habar-osharsyz ketken. Bıyldyqqa qasaqana óltirilgen aqparatshylardyń da sany ósken. 57 adam. Sandyq statıstıka 2021 jylmen salystyrǵanda 18,8%-ǵa artyq.
Sonymen qatar, RSF óz esebinde jýrnalısterdiń taǵdyryna qatysty eldi dúr silkindirgen qadamdardy, bul jyldaǵy oqıǵalardy da atady. Onyń arasynda "Vedomostı" jáne "Kommersant" jýrnalısti, "Roskosmos" basshysy Ivan Safronovtyń taǵdyry bar. Ol memleketke opasyzdyq jasady degen aıyppen qatań rejımdegi kolonııaǵa toǵytylyp, 22 jylǵa bas bostandyǵynan aıyrylǵan edi. Bul úkim de jyl tarıhynda jýrnalıster úshin eń aýyr oqıǵa bolyp qaldy.
"Adyrna" ulttyq portaly
