ءماجىلىس توراعاسى ەرلان قوشانوۆ رەسەيدىڭ قازاقستانداعى ەلشىسى الەكسەي بوروداۆكيننىڭ مالىمدەمەسىنە قاتىستى پىكىر ءبىلدىردى، دەپ حابارلايدى “ادىرنا” ۇلتتىق پورتالى Atameken Business تەلەارناسىنا سىلتەمە جاساپ.
ەرلان قوشانوۆ رەسەيدىڭ قازاقستانداعى ەلشىسىنىڭ رەزونانس تۋدىرعان سۇحباتىنا قاتىستى پىكىرىن ءبىلدىردى. ءماجىلىس سپيكەرىنىڭ ايتۋىنشا، ديپلوماتتىڭ كەيبىر ءسوزى ونىڭ ستاتۋسىنا ساي كەلمەيدى.
"بوروداۆكين مىرزانىڭ سۇحباتىن قاراپ شىقتىم. كەيبىر سوزدەرى ونىڭ ستاتۋسىنا ساي كەلمەيدى. بوروداۆكين مىرزانى تاجىريبەلى ديپلومات رەتىندە تانيمىز. ول ناسيحاتتاۋشىلار مەن ساياساتتانۋشىلارعا ۇقساماۋى كەرەك. بۇل بىرىنشىدەن. ەكىنشىدەن، كسەنوفوبيا رەسەيدە دە، وزگە ەلدەردە دە بار. سوندىقتان ءبىز ەلدەرىمىزگە پايدالى ىسپەن اينالىسۋىمىز كەرەك. ساياساتكەرلەردىڭ ءسوزى ەكى ەلدىڭ بايلانىسىنا زيان كەلتىرمەۋى كەرەك", - دەيدى قوشانوۆ.
