جازۋشى شىڭعىس ايتماتوۆتىڭ قارىنداسى روزا ايتماتوۆا ۇكىمەتكە مەرەيتويعا بولىنگەن قاراجاتتى ءىس-شارالارعا ەمەس، حالىقتىڭ الەۋمەتتىك جاعدايىن جاقسارتۋعا جۇمساۋدى ۇسىندى. ونىڭ ۇندەۋى قوعامدا قىزۋ تالقىلانۋدا، دەپ حابارلايدى «ادىرنا» ۇلتتىق پورتالى.
الەۋمەتتىك جەلىلەردە جازۋشىنى قولداعان پىكىرلەر كوپتەپ جاريالاندى.
ءانشى ديماش قۇدايبەرگەننىڭ اكەسى قانات ايتباەۆ:
«ادامزاتتىڭ ايتماتوۆىنىڭ 100 جىلدىعىن اتاۋسىز قالدىرۋ ەلگە سىن. ونىڭ شىعارمالارى كەڭىنەن ناسيحاتتالىپ، وسكەلەڭ ۇرپاققا ءسىڭىرىلۋى كەرەك. ايتماتوۆ – ۇلى جازۋشى»، – دەپ جازدى.
پايدالانۋشىلار ءلاززات جانايداروۆا مەن مارجان يسلامبەكقىزى ءوز پىكىرىندە: «نەگە ابىز اعامىزدىڭ ءومىرى تۋرالى كوركەم فيلم شىعارماسقا؟» جانە «شىڭعىس ايتماتوۆ مەن ءۇشىن ۇلى جازۋشى، فيلوسوف، عالىم. ونىڭ ءاربىر تۋىندىسى ادامزاتقا رۋحاني بايلىق اكەلەدى»، – دەپ اتاپ وتكەن.
اسىلبەك نۇرماحانبەت ەسىمدى قولدانۋشى ءوز ەستەلىگىن ءبولىستى.
ء«بىرىنشى كىتابىن قاراعاندى ۆوكزالىنان ساتىپ الىپ، تۇنىمەن لۋگوۆوي ستانتسياسىنا جەتكەنشە وقىپ شىقتىم. ۇلى جازۋشى عوي بۇل كىسى!» – دەپ جازدى.
روزا ايتماتوۆا قوعامنان جازۋشىنىڭ ەسىمىن قۇرمەتتەۋدى جانە ونىڭ رۋحىن مازالاماۋدى سۇراپ وتىر. ونىڭ پىكىرىنشە، قاراجاتتى حالىقتىڭ تۇرمىسىن جاقسارتۋعا باعىتتاۋ – ايتماتوۆقا كورسەتىلەتىن شىنايى قۇرمەت بولماق.
