مادەنيەت جانە اقپارات ءمينيسترى ايدا بالاەۆا ەكس-پرەزيدەنت نۇرسۇلتان نازارباەۆتىڭ جۇبايى سارا نازارباەۆانىڭ قازاسى تۋرالى قاۋەسەتكە پىكىر ءبىلدىردى. بۇل تۋرالى ول بۇگىن اقوردا كۋلۋارىندا ايتتى، دەپ حابارلايدى “ادىرنا”.
ء"بىز ەمدەلىپ جاتقان ادامعا اسا قاتىگەزدىك جاساعان سياقتىمىز. شىنىمدى ايتسام، ناقتى بىلمەيمىن، سەبەبى بۇل – ادامنىڭ جەكە ومىرىنە، ونىڭ وتباسىنا قاتىستى ماسەلە. ءبىرىنشى پرەزيدەنتتىڭ وتباسى ايتىلىپ تۇرعانى تۇسىنىكتى. بىراق قازاسى (سارا نازارباەۆانىڭ – رەد.) تۋرالى اقپارات تاراتۋ – تىم قاتىگەزدىك. اقپاراتتى ءباسپاسوز حاتشىسى (تۇڭعىش پرەزيدەنتتىڭ – رەد.) جوققا شىعاردى، ونىسى دۇرىس بولدى، ويتكەنى ارقاشان شىنايى اقپاراتقا سەنۋىمىز كەرەك", – دەدى ايدا بالاەۆا.
ەسكە سالساق، بىرقاتار باق پەن Telegram-ارنالار سارا نازارباەۆانىڭ قايتىس بولعانى تۋرالى اقپارات تاراتقان بولاتىن.
