جامبىل وبلىسىندا اسكەري قويماداعى جارىلىس كەزىندە جوعالعان اسكەريدىڭ سۇيەگى تابىلدى، دەپ حابارلايدى “ادىرنا” ۇلتتىق پورتالى.
ءورت ءسوندىرۋ ءبولىمىنىڭ كومانديرى كىشى سەرجانت باۋىرجان داۋىتباەۆتى بىلتىر 26 تامىزدان باستاپ ىزدەگەن بولاتىن. سۇيەك قالدىقتارىن ءبولىمنىڭ اسكەري قىزمەتشىلەرى ىزدەۋ جۇمىستارى بارىسىندا تاپقان.
"مولەكۋليارلىق-گەنەتيكالىق ساراپتاما ونىڭ باۋىرجان داۋىتباەۆقا تيەسىلى ەكەنىن كورسەتتى. جوعالعان اسكەري قىزمەتكەردىڭ سۇيەگىنىڭ قالدىقتارى مەن قانداس تۋىستارىنىڭ دنق تالداۋلارى تولىعىمەن سايكەس كەلدى", - دەلىنگەن قورعانىس مينيسترلىگىنىڭ حابارلاماسىندا.
مارقۇمنىڭ وتباسىنا جەرلەۋ شىعىندارى، اتقاراتىن لاۋازىمى بويىنشا بەس جىلدىق اقشالاي قاراجات مولشەرىندە بىرجولعى وتەماقى تولەنەدى.
ەسكە سالايىق، بىلتىر تامىزدا جامبىل وبلىسىنداعى اسكەري بولىمدە وق-ءدارى قويماسىندا جارىلىستار بولعان ەدى. 18 ادام كوز جۇمعان بولاتىن.
