ءۇندىستاندا ۋتتاراكحاند شتاتىندا جارتىلاي وپىرىلعان تۋننەلدە 15 كۇننەن بەرى قالىپ قالعان 40-تان استام جۇمىسشىنى قۇتقارۋ وپەراتسياسىنا اسكەر تارتىلماق. بۇل تۋرالى NDTV جاريالادى، دەپ حابارلايدى “ادىرنا” ۇلتتىق پورتالى.
قۇتقارۋشىلار زارداپ شەككەندەرگە جەتۋ ءۇشىن ۇزىندىعى 60 مەتر شۇڭقىر قازباق بولدى. وسى ماقساتقا دەيىن قالعان 10 مەتردى ەندى اسكەري ينجەنەرلەر قولمەن بۇرعىلايدى. باقىلاۋشىلار ەندى ۇيىندىلەردەن جۇمىسشىلاردى روجدەستۆو مەرەكەسىنەن ەرتە بوساتۋعا بولادى دەپ ەسەپتەيدى.
بۇل وپەراتسيا ۇزاققا سوزىلۋى مۇمكىن. بارلىعىن بولجاۋ مۇمكىن ەمەس. ءبىز ۋاقىت ارالىعىن ناقتىلاعان جوقپىز، - دەدى تابيعي اپاتتاردى جويۋ جونىندەگى ۇلتتىق باسقارماسىنىڭ وكىلى سايەد اتا حاسناين.
وسى ماقساتتا قۇتقارۋشىلار بۇرعىلاعان ۇڭعىما ارقىلى جۇمىسشىلارمەن بايلانىس ورناتۋعا بولادى. ول ارقىلى ولارعا ازىق-تۇلىك، ءدارى-دارمەك بەرىلەدى.
ايتا كەتەيىك، 12 قاراشادا ۋتتاراكحاندتاعى جول تۋننەلى وپىرىلىپ، ىشىندە 41 جۇمىسشى قالىپ قويعان. ول Char Dham كولىك جوباسىنىڭ ءبىر بولىگى رەتىندە سالىندى، ونىڭ اياسىندا شتاتتا 825 كم ەكسپرەسس جولدى اشۋ جوسپارلانۋدا.