ماسكەۋ ماڭىندا اسكەري قىزمەتكەر ءوز ارىپتەسىن اتىپ ءولتىرىپ، كەيىن ءوز-وزىنە قول سالدى. بۇل تۋرالى ماسكەۋ اسكەري وكرۋگىنىڭ ء(ماو) ءباسپاسوز قىزمەتى مالىمدەگەن، دەپ حابارلايدى «ادىرنا».
«2025 جىلعى 17 قازان ءتۇنى ماسكەۋ ماڭىنداعى اسكەري ءبولىم اۋماعىنداعى باقىلاۋ بەكەتىندە قىزمەت اتقارىپ جۇرگەن اسكەري قىزمەتكەر قارۋمەن جۇمىس ىستەۋ ەرەجەسىن بۇزىپ، كەلىسىمشارت نەگىزىندە قىزمەت ەتىپ جۇرگەن ارىپتەسىن اتىپ ولتىرگەن»، — دەلىنگەن حابارلامادا.
وقيعا ورنىندا رەسەي اۋە-عارىش كۇشتەرىنىڭ باس قولباسشىلىعىنىڭ كوميسسياسى جۇمىس ىستەپ جاتىر. قىلمىستىق ءىس قوزعالىپ، تەرگەۋ جۇرگىزىلۋدە. باسقا دەرەكتەر ازىرگە جاريالانعان جوق.
تاعى ءبىر حابارلامادا ءمالىم ەتىلگەندەي، ماسكەۋ ماڭىنداعى اسكەري بولىمدە مەرزىمدى قىزمەت اتقارىپ جۇرگەن سارباز ءوز ارىپتەستەرىنە وق اتقان. الدىن الا مالىمەت بويىنشا، ەكى ادام قازا تاۋىپ، تاعى ءبىر سارباز اۋىر جاراقات الىپ، اۋرۋحاناعا جەتكىزىلگەن.
