Jambyl oblysynda áskerı qoımadaǵy jarylys kezinde joǵalǵan áskerıdiń súıegi tabyldy, dep habarlaıdy “Adyrna” ulttyq portaly.
Órt sóndirý bóliminiń komandıri kishi serjant Baýyrjan Dáýitbaevty byltyr 26 tamyzdan bastap izdegen bolatyn. Súıek qaldyqtaryn bólimniń áskerı qyzmetshileri izdeý jumystary barysynda tapqan.
"Molekýlıarlyq-genetıkalyq saraptama onyń Baýyrjan Dáýitbaevqa tıesili ekenin kórsetti. Joǵalǵan áskerı qyzmetkerdiń súıeginiń qaldyqtary men qandas týystarynyń DNQ taldaýlary tolyǵymen sáıkes keldi", - delingen qorǵanys mınıstrliginiń habarlamasynda.
Marqumnyń otbasyna jerleý shyǵyndary, atqaratyn laýazymy boıynsha bes jyldyq aqshalaı qarajat mólsherinde birjolǵy ótemaqy tólenedi.
Eske salaıyq, byltyr tamyzda Jambyl oblysyndaǵy áskerı bólimde oq-dári qoımasynda jarylystar bolǵan edi. 18 adam kóz jumǵan bolatyn.
