جامبىل وبلىسىندا كۇرەس بويىنشا وقۋ-جاتتىعۋ جيىندارىنا كەلگەن 22 ءجاسوسپىرىم استان ۋلانىپ، اۋرۋحاناعا ءتۇستى، دەپ حابارلايدى “ادىرنا” ۇلتتىق پورتالى.
ولار قىزىلوردا وبلىسىنان كەلگەن.
الدىن الا دەرەكتەرگە سايكەس، جاسوسپىرىمدەر شىعۋ تەگى ازىرگە انىقتالماعان گاستروەنتەريتپەن ۋلانۋى مۇمكىن. ولار جامبىل وبلىسىنداعى دەمالىس ايماعىنان مەديتسينالىق مەكەمەگە جەتكىزىلگەن.
بەلگىلى بولعانداي، بالالار جاتتىقتىرۋشىلارىمەن بىرگە كۇرەس بويىنشا وقۋ-جاتتىعۋ جيىندارىنا كەلگەن. دەمالىس ايماعىندا جاسى 12 مەن 17 ارالىعىنداعى شامامەن 100 بالا ورنالاستىرىلعان.
وبلىس اكىمدىگىنىڭ مالىمەتىنشە، تاعامداردان جانە ناۋقاستاردان زەرتحانالىق سىنامالار الىنعان. قازىرگى ۋاقىتتا ساراپتاما ناتيجەلەرى كۇتىلۋدە.
ۇقساس جاڭالىقتار
