وزبەكستان اقش اسكەري بازالارىن كىرگىزبەيتىنىن ايتتى

4742
Adyrna.kz Telegram

وزبەكستاننىڭ قورعانىس مينيسترلىگى ەل اۋماعىندا شەتەلدىك اسكەري بازالاردى ورنالاستىرۋدىڭ مۇمكىن ەمەستىگىن جاريالادى، دەپ حابارلايدى "ادىرنا" ۇلتتىق پورتالى Sputnik تاجىكستانعا سىلتەمە جاساپ.

دەپارتامەنتتە تۇسىندىرىلگەندەي، بۇل ەلدىڭ قورعانىس دوكتريناسىندا جانە كونستيتۋتسياسىندا قاراستىرىلماعان.

«قورعانىس سالاسىنداعى ىرگەلى قۇجاتتاردا بۇل سۇراقتارعا ناقتى جاۋاپتار بار. وندا ايماققا شەتەلدىك اسكەري بازالار مەن نىسانداردى ورنالاستىرۋعا جول بەرىلمەيدى دەلىنگەن»، دەدى وزبەكستان قورعانىس مينيسترلىگىنىڭ وكىلى.

دەپارتامەنت وكىلى سونىمەن قاتار وزبەكستاننىڭ قورعانىس سالاسىنداعى ساياساتى ەلدىڭ قارۋلى كۇشتەرىنىڭ بىتىمگەرشىلىك وپەراتسيالارىنا جانە شەتەلدەردەگى اسكەري قاقتىعىستارعا قاتىسپاۋ قاعيداتىنا نەگىزدەلگەنىن قوستى.

بۇعان دەيىن اقش وزبەكستان مەن تاجىكستانعا ءوز اسكەرىن ورنالاستىرۋى مۇمكىن ەكەنى جاريالانعان بولاتىن.

بۇقارالىق اقپارات قۇرالدارىنىڭ حابارلاۋىنشا، بىرقاتار اسكەري قىزمەتكەرلەر مەن اقش پرەزيدەنتى دجو بايدەن اكىمشىلىگىنىڭ وكىلدەرى وزبەكستان مەن تاجىكستانعا اسكەرلەردى ورنالاستىرۋ ەڭ جاقسى شەشىم بولادى دەپ سانايدى.

"ادىرنا" ۇلتتىق پورتالى

پىكىرلەر