رەسپۋبليكالىق «ۇزدىك پەداگوگ» بايقاۋىندا اقتاۋ قالاسىنداعى نازارباەۆ زياتكەرلىك مەكتەبىنىڭ قازاق ءتىلى جانە ادەبيەت ءپانىنىڭ مۇعالىمى جاننۇر ماۋىتوۆا ۇزدىكتەر قاتارىنان كورىندى.
اعىمداعى جىلدىڭ قىركۇيەك-قاراشا ايىندا وتكەن بايقاۋ 3 كەزەڭنەن تۇردى. وسى ءۇش كەزەڭنەن سۇرىنبەي ءوتىپ «ۇزدىك پەداگوگ» اتاعىنا يە بولعان جاننۇر ماۋىتوۆانى بۇگىن قر وقۋ-اعارتۋ ءمينيسترى اسحات ايماعامبەتوۆ ماراپاتتادى.
مينيستر ارىپتەستەرىن «ۇزدىك پەداگوگ» اتاعىمەن قۇتتىقتاپ، ءوز ىسىنە ادالدىعى مەن ءبىلىم سالاسىن دامىتۋعا قوسقان ۇلەستەرى ءۇشىن العىسىن ءبىلدىردى. سونداي-اق مينيستر ۇستازدارعا قيىن بولسا دا، بىراق ۇلى كاسىپتە جاڭا تابىس مەن جەتىستىك تىلەدى.
ۇستازدىق ماماندىق ارقاشان ەڭ قۇرمەتتى ماماندىقتاردىڭ ءبىرى. ال بۇگىندە، سىزدەر احمەت بايتۇرسىنوۆ، ىبىراي التىنسارين سىندى ۇلاعاتتى اعارتۋشىلاردىڭ يگىلىكتى ءىسىن جالعاستىرۋشى جانسىزدار، - دەدى اسحات ايماعامبەتوۆ.
جاننۇر ماۋىتوۆا زياتكەرلىك مەكتەپتىڭ بىلىكتى ۇستازى، كوپتەگەن ۇزدىك عىلىمي جوبالاردىڭ جەتەكشىسى. ۇستازدىڭ بىرنەشە جوباسى اۆتورلىق قۇقىققا يە بولدى. جاننۇر ماۋىتوۆا جەتەكشىلىك ەتۋىمەن جىل سايىن اقتاۋ قالاسىنداعى نازارباەۆ زياتكەرلىك مەكتەبىنىڭ وقۋشىلارى جالپى ءبىلىم بەرەتىن پاندەر بويىنشا وتەتىن عىلىمي جوبالار كونكۋرسىنىڭ، پاندىك وليمپيادالاردىڭ ءتۇرلى كەزەڭدەرىندە ۇزدىك ناتيجەلەرگە قول جەتكىزىپ كەلەدى.
بىرنەشە كەزەڭدەردەن وتكەن سايىستا جول جۇرۋلەر شارشاتقانىمەن، دودادا جارىپ جەڭىپ شىعۋ ماقسات بولدى، مەكتەبىم مەن وتباسىمنىڭ ۇكىلەگەن ءۇمىتىن اقتاۋ، كاسىبي بىلىكتىلىگىمدى تانىتۋ باستى نىسانعا اينالدى. جەڭىسىمدى العاشقى ەستىگەن ساتتە كوز جاسىنا ەرىك بەردىم، سەبەبى، ۇيقىسىز تۇندەر، تولاسسىز پاندىك وليمپياداعا شاكىرتتەرىمدى دايىنداۋلار مەن عىلىمي جوبالارعا وقۋشىلاردى ازىرلەۋ، وقۋ باعدارلامالارى مەن وقۋ جوسپارلارىن قۇراستىرۋ سياقتى سان قىرلى ۇستازدىق ەڭبەگىمنىڭ اقتالعانىنا، مويىندالعانىنا ريزالىق باسىم بولدى. مەنىڭ جەڭىسىم - كاسىبي دامۋىما ىقپال ەتكەن نازارباەۆ زياتكەرلىك مەكتەپتەر جۇيەسىنىڭ، مەكتەبىم مەن ارىپتەستەرىمنىڭ، كاسىبي ءوسۋىم مەن كەيبىر كاسىبي قاتەلىكتەرىمنىڭ كۋاسى بولعان وقۋشىلارىمنىڭ جەڭىسى دەپ بىلەم،- دەيدى «ۇزدىك پەداگوگ» جاننۇر قالىبايقىزى
سونداي اق وسكەلەڭ ۇرپاقتىڭ ءبىلىم بەرۋ جانە تاربيە ىسىنە قوسقان ەلەۋلى ۇلەسى ءۇشىن 2020 جىلى ماۋىتوۆا جاننۇر قالىبايقىزى قازاقستان رەسپۋبليكاس ءبىلىم جانە عىلىم ءمينيسترىنىڭ قۇرمەت گراموتاسىمەن ماراپاتتالعان.
رەسپۋبليكالىق كونكۋرس كوميسسياسىنىڭ قۇرامىندا قوعامدىق بىرلەستىكتەردىڭ، ۇكىمەتتىك ەمەس ۇيىمداردىڭ، اتا-انالار قاۋىمىنىڭ وكىلدەرى، جۋرناليستەر، بەلسەندى پەداگوگتەر، ءبىلىم جانە عىلىم قىزمەتكەرلەرىنىڭ قازاقستاندىق سالالىق كاسىپوداق ۇيىمىنىڭ وكىلدەرى بولدى.
2022 جىلعى «ۇزدىك پەداگوگ» بايقاۋىنا 5000 مىڭنان استام پەداگوگ ىرىكتەلىپ، كونكۋرس قورىتىندىسى بويىنشا 64 جەڭىمپاز انىقتالىپ، ماراپاتتالدى.
«ۇزدىك پەداگوگ» رەسپۋبليكالىق كونكۋرسى 2012 جىلدان بەرى وتكىزىلىپ كەلەدى. وسى ۋاقىت ارالىعىندا 600-گە جۋىق ۇستاز ۇزدىك اتاندى.
