تاسپولاتوۆ ەربول تۋرماحانۇلى - قازاقستاندا تانىمال جاستاردىڭ ءبىرى. ول 2002 جىلى 27 قاڭتاردا شىمكەنت قالاسىندا تۋعان.
2008 جىلى شىمكەنت قالاسىنداعى و.ا.جولداسبەكوۆ اتىنداعى فيزيكا-ماتەماتيكا باعىتىنداعى ليتسەيگە 1-سىنىپقا بارعان ەربول مەكتەپتە قاتارلاستارىنىڭ الدى بولدى. مەكتەپتە ماتەماتيكا بويىنشا پاندىك وليمپيادالارعا قاتىسىپ، وقۋشىلار اراسىندا ۇزدىك بولدى.
ەربول 2019 جىلى الماتى قالاسىنداعى ءال-فارابي اتىنداعى قازاق ۇلتتىق ۋنيۆەرسيتەتىنىڭ مەحانيكا-ماتەماتيكا فاكۋلتەتىنىڭ IT -اقپاراتتىق تەحنولوگيالار ماماندىعىنىڭ مەملەكەتتىك گرانتىن جەڭىپ الادى. 2021 جىلى روبوتوتەحنيكا بويىنشا وليمپيادانى جەڭىپ، ۋنيۆەرسيتەتتە جاس ينجەنەرلەر كلۋبىن ۇيىمداستىرادى.
ستۋدەنت بولىپ وقي ءجۇرىپ، ول ءوزىنىڭ IT مەكتەبىن اشتى.
«تاڭداۋىم IT سالاسى بولدى. ماماندىق تاڭداردا مەندە ءۇش نەگىزگى قاعيدا بولدى. ولار: كەرەك، قالايمىن جانە قولىمنان كەلەدى. مەن ءۇشىن - ەڭ الدىمەن ماماندىقتىڭ قوعامعا كەرەك بولعانى ماڭىزدى. ويتكەنى ادام قوعامعا ءوزىنىڭ پايداسىن اكەلۋ كەرەك. ال IT سالاسى بولاشاقتىڭ نەگىزى. سەبەبى، باعدارلامالاۋ ارقىلى وزەكتى ماسەلەلەردى شەشۋگە بولادى. مىسالى، 2017 جىلى دميتري شامارين مىلقاۋ ادامداردىڭ سوزدەرىن ءىس-قيمىلدان دىبىستى تۇرگە اينالدىراتىن قولعاپ ويلاپ تاپتى. ال قوعامدا وسىعان ۇقساس شەشىمىن توسىپ وتىرعان ماسەلەلەر وتە كوپ. ستيۆ دجوبس «The only way to do great work is love what you do» دەپ ايتادى. ماماندىق تەك «كەرەك» قاعيداسىنا سۇيەنبەۋ كەرەك، سەبەبى، سەنىڭ ماماندىعىڭ ول جاعدايدا تەك اقشا الىپ كەلەتىن بولادى. ستيۆ دجوبستىڭ ايتقىسى كەلەتىنى: «سەن جان-تانىڭمەن بەرىلگەن ماماندىقتا عانا كەرەمەت ناتيجە كورسەتە الاسىڭ. ياعني سەن سول ماماندىقتى قالاۋ كەرەكسىڭ، نيۋتون فيزيكانى سۇيگەندەي. ال مەنى IT سالاسى تۋرالى ويلاۋدىڭ ءوزى باقىتتى ەتەدى. ماماندىقتى قالاۋ جانە ونىڭ قوعامعا كەرەك بولۋى جەتكىلىكسىز، ەگەر سەندە وسى سالانى يگەرەتىن قابىلەت بولماسا. مىسالى، حيرۋرگ قولسىز بولا المايدى. سەنىڭ ءبىلىم دەڭگەيىڭ مەن قابىلەتتىلىگىڭ ماماندىق تاڭداۋدا ۇلكەن ۇلەسكە يە. مەن قولىمنان كەلۋ قاعيداسىنا بەرىلىپ جۇمىس جاساپ جاتىرمىن جانە جاسايتىن بولامىن. مەنىڭ نەگە IT سالاسىن تاڭداعانىم ەندى ايدان انىق بولدى دەپ ەسەپتەيمىن. بولاشاق گيپوتەزاعا باعىنبايدى، بىراق، قازىر مەن وسىنداي جوسپار قۇرىپ، ماقسات قويىپ، سوعان جەتۋگە تىرىسىپ ءجۇرمىن. وسى ارمان- ماقساتىم ەرتەڭ ادامزاتقا پايدالى بولۋعا كومەكتەسەدى دەپ سەنەمىن», - دەيدى ەربول.
راسىمەن دە ەربول ساۋاتتى. سەبەبى، ول قازىردىڭ وزىندە مەكتەبىن اشىپ ۇلگەرگەن. ونىڭ اشقان مەكتەبىنىڭ تۇلەكتەرى حالىقارالىق جوبالارعا قاتىسىپ، يگى ىستەر جاساۋدا.
ەربول كىتاپتى كوپ وقىپ، تىنىمسىز ىزدەنەتىن بولعاندىقتان كوشباسشىلىق قابىلەتكە يە. ونىڭ مىنا ءسوزى جاستارعا وي سالادى.
«ەرتە مە، كەش پە، ادامعا ماماندىعىن تاڭداۋ كەرەك. مامانداقتى تاڭداۋ – وتە ماڭىزدى، ويتكەنى بۇل جاي جۇمىس عانا ەمەس، بۇل ءسىزدىڭ بولاشاق ءومىرىڭىز. سوندىقتان جۇمىس ساعان اقشا عانا ەمەس، سونداي-اق قۋانىش اكەلۋ كەرەك. ءبىز تەز دامىپ كەلەتىن تەحنولوگيالار عاسىرىندا تۇرامىز، سوندىقتان ونىڭ تاڭداۋى IT ماماندىعىنا اكەلدى، ويتكەنى، بۇل ماماندىق كوپتەگەن جىلدار بويى وزەكتى جانە پەرسپەكتيۆالى بولىپ قالا بەرەدى. IT مامانى – كومپيۋتەرلەرگە ارنالعان باعدارلامالىق جاساقتامانى قالاي دامىتاتىنىن بىلەتىن ادام. بۇل جوعارى تولەنەتىن ماماندىق، سەبەبى كومپيۋتەر بارلىق سالالاردا قاجەت. بۇگىن كومپيۋتەردى بارلىق جەردە تابۋعا بولادى: مەكتەپتە، اۋرۋحانالاردا ءتۇرلى كومپانيالاردا جانە تاعى باسقالار. بارلىق وسى كومپيۋتەرلەر ۇلكەن كولەمدەگى اقپاراتپەن جۇمىس ىستەۋگە قىزمەت ەتەدى. بىراق بۇل كومپيۋتەرلەر ءتيىستى باعدارلامالىق جاساقتاماسىز پايداسىز بولادى. سوندىقتان باعدارلاماشى ماماندىعى دامىپ، ەڭ تانىمال ماماندىقتاردىڭ ءبىرى بولىپ تابىلادى», - دەپ اتاپ ءوتتى ەربول.
ءيا، روبوتوتەحنيكا قارقىندى دامىعان قازىرگى كەزەڭدە اقپاراتتىق جۇيەلەردى يگەرۋ وزەكتى بولىپ وتىر. وسى سالانى تاڭداعان ەربولدىڭ ەڭبەككە دەگەن ۇمتىلىسىنان كوپ دۇنيە اڭعارۋعا بولادى. ەربول مەكتەبىن بىتىرگەن تالاي جاستار قازىر ءىت سالاسىن شەبەر مەڭگەرگەن ماماندار.
نۇرلان اسقارۇلى، جۋرناليست
