19 قاراشادا رەسەيدىڭ ساحالين ارالىنداعى تىموۆسكوە اۋىلىنداعى تۇرعىن ۇيدە جارىلىس بولدى. بۇل تۋرالى تاسس. جاريالادى، دەپ حابارلايدى “ادىرنا” ۇلتتىق پورتالى.
مالىمەتتەر بويىنشا، وقيعانىڭ سالدارىنان 9 ادام مەرت بولدى. ونىڭ 4-ءۋى بالا. تاعى بىرنەشە ادام قيراندىلاردىڭ استىندا قالۋى مۇمكىن. الدىن الا مالىمەتتەر بويىنشا جارىلىسقا گاز بالونى سەبەپ بولۋى مۇمكىن.
جارالىس سالدارىنان پودەزدەردىڭ ءبىرى قۇلاپ، قۇتقارۋشىلار قيراندىلاردى ارشىپ جاتىر. بۇل جۇمىسقا 80 ادام جانە 20 تەحنيكا تارتىلعان. قازىرگى تاڭدا كورشى پودەزدىڭ قۇلاۋ قاۋپى بار.
ءوڭىر گۋبەرناتورى ۆالەري ليمارەنكونىڭ حابارلاۋىنشا، جارىلىس بولعان ۇيدە 33 ادام تۇرىپ جاتقان. ولاردىڭ 23-ءى ءتىرى.
ال رەسەيدىڭ باس پروكۋراتۋراسى وسى وقيعا بويىنشا قوزعالعان قىلمىستىق ءىستى ءوز باقىلاۋىنا الدى.
