19 qarashada Reseıdiń Sahalın aralyndaǵy Tymovskoe aýylyndaǵy turǵyn úıde jarylys boldy. Bul týraly TASS. jarııalady, dep habarlaıdy “Adyrna” ulttyq portaly.
Málimetter boıynsha, oqıǵanyń saldarynan 9 adam mert boldy. Onyń 4-ýi bala. Taǵy birneshe adam qırandylardyń astynda qalýy múmkin. Aldyn ala málimetter boıynsha jarylysqa gaz balony sebep bolýy múmkin.
Jaralys saldarynan podezderdiń biri qulap, qutqarýshylar qırandylardy arshyp jatyr. Bul jumysqa 80 adam jáne 20 tehnıka tartylǵan. Qazirgi tańda kórshi podezdiń qulaý qaýpi bar.
Óńir gýbernatory Valerıı Lımarenkonyń habarlaýynsha, jarylys bolǵan úıde 33 adam turyp jatqan. Olardyń 23-i tiri.
Al Reseıdiń Bas prokýratýrasy osy oqıǵa boıynsha qozǵalǵan qylmystyq isti óz baqylaýyna aldy.
