انكارادا ءوتىپ جاتقان قارا تەڭىز ەكونوميكالىق ىنتىماقتاستىعى پارلامەنتتىك اسسامبلەياسىنىڭ سامميتىندە رەسەي مەن ۋكراينا دەلەگاتتارى اراسىندا توبەلەس بولدى. قاقتىعىستىڭ بەينەجازباسىن «روسسيا 1» تەلەارناسىنىڭ تەلەجۇرگىزۋشىسى ولگا سكابەەۆا جاريالادى، دەپ حابارلايدى «ادىرنا» ءتىلشىسى.
وقيعا مەملەكەتتىك دۋمانىڭ دەپۋتاتى ولگا تيموفەەۆانىڭ ءسوز سويلەۋى كەزىندە بولعان. ونىڭ ارتىنا ۋكراين دەلەگاتسياسىنىڭ وكىلى كەلىپ، ءوز ەلىنىڭ تۋىن ىلەدى. مۇنى كورگەن رەسەيلىك شەنەۋنىك وعان جاقىنداپ، تۋدى جۇلىپ الىپ، وزىمەن بىرگە الىپ كەتۋگە تىرىسادى. جالاۋدى قايتارعىسى كەلگەن ۋكراينا دەلەگاتى ونى ۇرا باستايدى. وسىلايشا كەزدەسۋ اياعى توبەلەسپەن اياقتالدى.
«قازىر وكىلىمىز اۋرۋحانادا قاجەتتى تەكسەرۋدەن ءوتىپ جاتىر. ول كونسۋلدىق كومەك الدى. تۇرىك بيلىگىنىڭ نازارى وسى ىسكە اۋدارىلۋى ءتيىس. قىلمىسكەرلەر جازالانادى دەپ سەنەمىز»، - دەدى رەسەيدىڭ تۇركياداعى ەلشىلىگى.
بەينەجازبانى كورۋ ءۇشىن سىلتەمەنى باسىڭىز.
