ۋكراينا بيلىگىنىڭ مالىمدەۋىنشە، وتكەن ءتۇنى رەسەي ۋكرايناعا قاراي 145 درون جىبەرگەن، بۇل سوعىس باستالعالى تىركەلگەن ەڭ كوپ كورسەتكىش، دەپ حابارلايدى "ادىرنا" ۇلتتىق پورتالى گولوس امەريكاعا سىلتەمە جاساپ.
جەكسەنبى كۇنى ۋكراينا ماسكەۋگە 34 درون جىبەرىپ، 2022 جىلى سوعىس باستالعاننان بەرى رەسەي استاناسىنا ەڭ ءىرى شابۋىلداردىڭ ءبىرىن جاسادى.
ماسكەۋدىڭ ءۇش نەگىزگى اۋەجايىندا رەيستەردى قايتا باعىتتاۋعا تۋرا كەلدى. بۇل شابۋىلدان پودموسكوۆەدە ءبىر ادام جاراقات الدى.اۋە قوزعالىسىن باسقارۋ فەدەرالدى اگەنتتىگىنىڭ دەرەكتەرى بويىنشا دومودەدوۆو، شەرەمەتەۆو جانە جۋكوۆسكي اۋەجايلارىندا 36 رەيستىڭ ۋاقىتى شەگەرىلىپ، كەيىن قايتا قالپىنا كەلتىرىلگەن.
رەسەيدىڭ قورعانىس مينيسترلىگى باتىس ايماقتاردا ءۇش ساعات ىشىندە 36 دروندى جويعانىن حابارلادى.
ال ۋكراينا رەسەيدىڭ بريانسك وبلىسىنداعى ارسەنالعا دا شابۋىلداعانىن جانە كيەۆتىڭ اۋە قورعانىس جۇيەلەرى رەسەي جىبەرگەن 145 دروننىڭ 62-ءسىن جويعانىن مالىمدەدى.
قازىرگى ۋاقىتتا ماسكەۋ دە، كيەۆ تە جاڭا درونداردى ساتىپ الۋ مەن ازىرلەۋگە، ولاردى قولدانۋدىڭ يننوۆاتسيالىق تاسىلدەرىن ىزدەۋگە جانە ولاردى جويۋدىڭ جاڭا جولدارىن تابۋعا ۇمتىلۋدا. بۇل ءۇشىن فەرمەرلىك مىلتىقتاردان باستاپ، زاماناۋي ەلەكتروندى كەدەرگىلەر جۇيەسىنە دەيىن ءارتۇرلى قۇرالدار قولدانۋدا.
