2022 جىلعى 20 قاراشا – ەلىمىزدە وتەتىن كەزەكتەن تىس پرەزيدەنت سايلاۋىنا وراي «قازاقستان» تەلەراديوكورپوراتسياسى 16 ساعاتتىق تەلەمارافون ۇيىمداستىرادى، دەپ جازادى "ادىرنا" ۇلتتىق پورتالى.
وتاندىق تەلە-راديو ارنالار مەن ولاردىڭ ينتەرنەت رەسۋرستارى جانە الەۋمەتتىك جەلىلەردە تىكەلەي ەفيردە كورسەتىلەتىن شارا تاڭعى ساعات 09:00-دەن باستالىپ تۇنگى 01:00-گە دەيىن جالعاسادى.
مارافونعا ساياساتكەرلەر، ساياساتتانۋشىلار مەن دەپۋتاتتار، قوعام قايراتكەرلەرى، مادەنيەت، سپورت سالاسىنىڭ وكىلدەرى، بەلسەندى جاستار جانە بلوگەرلەر قاتىسادى. جوبانى ەلىمىزگە ەسىمى كەڭىنەن تانىمال 27 تەلەجۋرناليست جۇرگىزەدى.
تەلەمارافوندا ءتۇرلى تاقىرىپتاردا ديسكۋسسيالار ۇيىمداستىرىلىپ، ەلىمىزدىڭ بارلىق ايماعىنان جانە شەتەلدەردەن تىكەلەي قوسىلىمدار جاسالادى.
سونداي-اق ەلەكتوراتتىڭ ساياسي بەلسەندىلىگى بويىنشا ساعات سايىن ءباسپاسوز كونفەرەنتسيالارى ۇيىمداستىرىلىپ، حالىقارالىق بايقاۋشىلار، ساراپشىلار، باس پروكۋراتۋرا، ىشكى ىستەر مينيسترلىگىنىڭ وكىلدەرى داۋىس بەرۋ بارىسى بويىنشا سوڭعى اقپاراتتارمەن ءبولىسىپ وتىرادى.
مارافوننىڭ TED-x فورماتىنداعى الاڭىندا قر وقۋ-اعارتۋ ءمينيسترى اسحات ايماعامبەتوۆ، قر تسيفرلىق دامۋ جانە اەروعارىش ونەركاسىبى ءمينيسترى باعدات مۋسين, «قازاقستاندىق نيك ۆۋيچيچ» ءالي تۇرعانبەكوۆ جانە باسقا دا تانىمال تۇلعالاردىڭ موتيۆاتسيالىق مونولوگتارى جوسپارلانعان. ال «ەكسپرەسس-كامەرا» الاڭىندا جۋرناليستەرگە مارافونعا قاتىساتىن 1500-دەن استام قوناقپەن سۇحبات جۇرگىزۋگە مۇمكىندىك جاسالادى.
شارا بارىسىندا ميراس جۇگىنىسوۆ، داستان ورازبەكوۆ، مارجان اراپباەۆا، ءرۇحيا بايدۇكەنوۆا، ءمادي سىزدىقوۆ، سادراددين، كاليفورنيا سىندى ساحنا جۇلدىزدارى مەن تانىمال ستەنداپەرلەر ونەر كورسەتەدى.
ونلاين مارافون 20 قاراشا كۇنى استانا قالاسى «قازمەديا ورتالىعىنىڭ» كينوكونتسەرت زالىندا وتەدى.
