وڭتۇستىك استانانىڭ وزىنە ءتان تۇيىتكىلدەوى بار. بۇل تۋرالى مەملەكەت باسىشسى الماتى حالقىمەن كەزدەسۋىندە اشىپ ايتتى، دەپ حابارلايدى «ادىرنا» ءتىلشىسى.
«الماتىنىڭ تاريحي ورتالىعى – ءومىر ءسۇرۋ ءۇشىن اسا قولايلى جەر. قاجەتتى نارسەنىڭ ءبارى جاقىن جەردە ورنالاسقان. الايدا، ورتالىقتىڭ وزىنە ءتان تۇيتكىلدەرى بار. اتاپ ايتقاندا، كوممۋنالدىق جۇيە توزىپ بارادى. عيماراتتار ءبىر-بىرىنە وتە تىعىز ورنالاسقان. جولداردا كەپتەلىس كوپ»،-دەدى پرەزيدەنت.
كەزدەسۋ بارىسىندا قاسىم-جومارت توقاەۆ قالاداعى شەتكەرى اۋدانداردىڭ دامۋى تىم كەنجە قالىپ وتىرعانىن باسىپ ايتتى.
مەملەكەت باسشىسىنىڭ ايتۋىنشا، شاھاردا الەۋمەتتىك نىساندار جەتىسپەيدى.
«جۇرت سەرۋەنگە باراتىن ساياباقتار تاپشى. نەگىزىنەن جەر ۇيلەر كوپ سالىنعان. ءتىپتى، قىس ايلارىندا قارا ءتۇتىن قاپتايدى. ازاماتتاردىڭ دەمالىسىن پايدالى وتكىزەتىن قوعامدىق ورىندار از. كولىك جانە ينجەنەرلىك ينفراقۇرىلىم دا جەتكىلىكسىز»،- دەدى توقاەۆ.
ول ءوز سوزىندە اكىمدىكتىڭ باستى مىندەتىنىڭ ءبىرى – ورتالىق پەن شەتتەگى اۋدانداردىڭ اراسىندا پايدا بولعان وسى تەڭسىزدىكتى جويۋ ەكەنىن تارقاتىپ ايتى.
«قالا – بارىنە ورتاق. سوندىقتان، قالانىڭ يگىلىكتەرى دە بارلىق تۇرعىندارعا بىردەي قولجەتىمدى بولۋعا ءتيىس»، -دەپ ءسوزىن تۇيىندەدى پرەزيدەنت.
