مەملەكەت باسشىسى قاسىم-جومارت توقاەاتىڭ وكىمىمەن قورعانىس ءمينيسترىنىڭ ءبىرىنشى ورىنباسارى – قازاقستان رەسپۋبليكاسى قارۋلى كۇشتەرى باس شتابىنىڭ باستىعى اۋىستى، دەپ حابارلايدى “ادىرنا” ۇلتتىق پورتالى.
"پرەزيدەنت وكىمىمەن سۇلتان بۇركىتبايۇلى قامالەتدينوۆ قازاقستان رەسپۋبليكاسى قورعانىس ءمينيسترىنىڭ ءبىرىنشى ورىنباسارى – قازاقستان رەسپۋبليكاسى قارۋلى كۇشتەرى باس شتابىنىڭ باستىعى بولىپ تاعايىندالدى، ول بۇرىنعى اتقارعان لاۋازىمىنان بوساتىلدى", - دەلىنگەن اقوردا حابارلاماسىندا.
سونداي-اق مەملەكەت باسشىسىنىڭ وكىمىمەن بۇعان دەيىن بۇل قىزمەتتى اتقارعان مارات راقىمۇلى قۇسايىنوۆ قازاقستان رەسپۋبليكاسى قورعانىس ءمينيسترىنىڭ ءبىرىنشى ورىنباسارى – قازاقستان رەسپۋبليكاسى قارۋلى كۇشتەرى باس شتابىنىڭ باستىعى لاۋازىمىنان بوساتىلدى.
سۇلتان بۇركىتبايۇلى 1965 جىلى 12 اقپاندا استراحان وبلىسى، ۆولودار اۋدانى، زەلەنگا اۋىلىندا دۇنيەگە كەلگەن. 1986 جىلى تاشكەنتتەگى جوعارى كوماندالىق تانك ۋچيليششەسىن. 1997 جىلى – بروندى تانك اسكەرلەرىنىڭ اسكەري اكادەمياسىن. 2010 جىلى – رەسەي فەدەراتسياسى قارۋلى كۇشتەرى باس شتابىنىڭ اسكەري اكادەمياسىن بىتىرگەن.
