NURGELDI ÁBDIǴANI: Baıbek bastap ketken "bassyzdyq" áli jalǵasyp jatyr...

6735

Almatydaǵy «Rahat» bazarynyń aınalasyndaǵy daý áli basylmaı tur. Bazar kásipkerleri 7 aı boıyna jaryqsyz otyr. Amaldyń joqtyǵynan jumylyp generator qosqan azamattar osy ýaqytqa deıin 12 mıllıon teńge shyǵyn kórgen.

Zańger Baqytjan Bazarbek pen «Rahat» bazary qaraıtyn «TKM» JShS-niń ókili, zańger Jamılıa Týlenova «Almaty qalasy ákimdigi zańdy belshesinen basyp, sot shyǵarǵan sheshimdi oryndamaı otyr», - deıdi. Baqytjan Bazarbek osyǵan baılanysty prezıdent Qasym-Jomart Toqaevtyń atyna úndeý joldapty.

«Rahat» bazarynyń kásipkerleri Jetisý aýdany ákimi tarapynan «qonaq-loqy» kórip jatqanyn habarlap, BAQ-qa shyqqan. Kásipkerlerdiń aıtýynsha, ákim kásipkerlerge kelip: «1 aıda jerdi bosatpasańdar, býldozer ákelip, buzyp tastaımyn», - degen. Tipti, bazar ornalasqan jerdiń elektr jaryǵy da óshirilgen. Sodan beri saýdagerler jaryqsyz qalǵan. Bazar zańgerleri Baıbekti sotta jeńip, ózderiniń qujattyq jaǵynan zań buzbaǵandaryn dáleldese de, bassyzdyqtardyń toqtar túri joq.

Bazardaǵy jurt qarapaıym halyq. Kún saıyndy saýdadan tapqan tabysymen otbasyn asyrap otyrǵan jurt. Jergilikti basshy-qosshynyń bassyz áreketi erteń saılaý kúni halyqty saılaýǵa emes, mıtıngke ıtermelemesine ákim de, basqasy da kepil bola almaıdy. Jaryǵyńdy sóndirip, sýyńdy qıyn, týaletińdi bitep tastasa qalaı ómir súresiń? Qaıdaǵy saılaý?...

Nurgeldi ÁBDIǴANI

Pikirler
Uqsas jańalyqtar