قالامگەرلىك قولتاڭباسىمەن قاھارماندىقتىڭ، ايتقان باتىل دا وتكىر تۇجىرىمدارىمەن العىرلىقتىڭ، كوشباسشىلىق كورەگەندىگىمەن (باس رەداكتور، دەپۋتات رەتىندە) كەمەڭگەرلىكتىڭ ۇزدىك ۇلگىسىن كورسەتىپ، سوڭىنان ەرگەن ءىزباسارلارىن تاربيەلەپ، ساردار ءسوزدىڭ سارا جولىن سالىپ كەتكەن شەرحان مۇرتازا - شىندىقتىڭ شەجىرەسى. شەراعا كوزى ءتىرى بولسا 90 جاسقا تولار ەدى.
....شىركىن، شەراعا كەلىپ، جۋرفاك ستۋدەنتتەرىنە ءبىر رەت شەبەرلىك ساعاتىن وتكىزسە، شىندىقتى قالاي ايتۋ كەرەكتىگىن ءبىرجولا كوكەيلەرىنە ءتۇيىپ الار ەدى-اۋ! ءال - فارابي اتىنداعى قازۇۋ جۋرناليستيكا فاكۋلتەتىندە اشىلعان شەرحان مۇرتازا اتىنداعى اۋديتوريا بولاشاق جۋرناليستەر ءۇشىن ونەگە ءورىسى، شەرحانتانۋ الەمى دەسە بولعانداي.
زاماناۋي تەحنيكامەن جابدىقتالعان ءدارىسحانا قابىرعالارى شەرحان مۇرتازا ومىرىنەن سىر شەرتەتىن دەرەكتەرمەن ورنەكتەلگەن. "ونەگەلى ءومىر -وشپەس ءىز" ، "قازاقتىڭ قايسار قالامگەرى" دەگەن تاقىرىپتاردىڭ ءوزى شاكىرتتەردىڭ رۋحىن وسىرەتىنى ءسوزسىز. بۇل ىزگى شارا - قازاق ءبىلىمىنىڭ قارا شاڭىراعىنداعى ۇرپاق ساباقتاستىعىنىڭ ۇلاعاتى.
جيدەگۇل ابدىجادىلقىزى
ءال -فارابي اتىنداعى قازۇۋ
ءباسپاسوز جانە ەلەكتروندى باق كافەدراسىنىڭ دوتسەنتى.
