Qalamgerlik qoltańbasymen qaharmandyqtyń, aıtqan batyl da ótkir tujyrymdarymen alǵyrlyqtyń, kóshbasshylyq kóregendigimen (bas redaktor, depýtat retinde) kemeńgerliktiń úzdik úlgisin kórsetip, sońynan ergen izbasarlaryn tárbıelep, sardar sózdiń sara jolyn salyp ketken Sherhan Murtaza - shyndyqtyń shejiresi. Sheraǵa kózi tiri bolsa 90 jasqa tolar edi.
....Shirkin, Sheraǵa kelip, jýrfak stýdentterine bir ret sheberlik saǵatyn ótkizse, shyndyqty qalaı aıtý kerektigin birjola kókeılerine túıip alar edi-aý! Ál - Farabı atyndaǵy QazUÝ jýrnalıstıka fakýltetinde ashylǵan Sherhan Murtaza atyndaǵy aýdıtorııa bolashaq jýrnalıster úshin ónege órisi, Sherhantaný álemi dese bolǵandaı.
Zamanaýı tehnıkamen jabdyqtalǵan dárishana qabyrǵalary Sherhan Murtaza ómirinen syr shertetin derektermen órnektelgen. "ÓNEGELI ÓMIR -ÓShPES IZ" , "QAZAQTYŃ QAISAR QALAMGERI" degen taqyryptardyń ózi shákirtterdiń rýhyn ósiretini sózsiz. Bul izgi shara - qazaq biliminiń qara shańyraǵyndaǵy urpaq sabaqtastyǵynyń ulaǵaty.
Jıdegúl ÁBDIJÁDILQYZY
Ál -Farabı atyndaǵy QazUÝ
Baspasóz jáne elektrondy BAQ kafedrasynyń doenti.
