قىزىلوردا وبلىسىنداعى جاڭاقورعان اۋىلىندا اتتراكتسيون كابيناسى سالبىراپ، سىنىپ كەتتى.وقيعا ورنىندا تۇسىرىلگەن ۆيدەونى جۋرناليست گۇلميرا ابىقاي Facebook پاراقشاسىندا جاريالادى، دەپ حابارلايدى “ادىرنا” ۇلتتىق پورتالى.
قۋانىشقا وراي، وقيعا كەزىندە اتتراكتسيوندا ادام بولماعان.
جازبا اۆتورى بۇل اتراكتسيون اۋىلدا جۋىردا ورناتىلعانىن اتاپ وتەدى. وقيعاعا دەيىن جەرگىلىكتى تۇرعىندار وعان وتىرىپ ۇلگەرگەن ەكەن.
“وقيعاعا دەيىن قىزىم اتراكتسيونعا وتىرعان. بيلىك نەگە حالىقتىڭ قاۋىپسىزدىگىن ويلامايدى؟", – دەپ اشۋلاندى جەرگىلىكتى تۇرعىنداردىڭ ءبىرى.
قىزىلوردا وبلىسى اكىمدىگىندە جاعدايعا قاتىستى پىكىر ءبىلدىردى.
"ۆيدەو 15-17 قازان ارالىعىندا اتتراكتسيوندى تەحنيكالىق تەكسەرۋ كەزىندە تۇسىرىلگەن. ۆيدەودان كورىپ وتىرعاندارىڭىزداي، اتتراكتسيوندا ادامدار بولماعان، زارداپ شەككەندەر جوق. تجد بۇل تۋرالى شۇعىل حابارلاما العان جوق، ول جەردە ەشقانداي پروبلەما بولعان جوق. قازىر اتراكتسيون كۇن سۋىتقان سوڭ جابىلدى", – دەدى ۆەدومستۆونىڭ ءباسپاسوز قىزمەتى.
بەلگىلى بولعانداي دەمالىس ساياباعى جەكە قاراجاتقا، مەتسەنات مارلەن ىسقاقوۆتىڭ تىكەلەي دەمەۋشىلىگىمەن سالىنعان.
