قازاقستاندا وتباسىلىق جانجال سالدارىنان 69 ايەل قايتىس بولعان، دەپ حابارلايدى "ادىرنا" ءتىلشىسى.
بىلتىر ەلىمىزدە وتباسىنداعى ۇرىس-كەرىس سالدارىنان 69 ايەل مەن 7 بالا كوز جۇمعان. بۇل دەرەكتى قر سەنات دەپۋتاتى جاننا اسانوۆا حابارلادى.
2023 جىلى قازاقستاندا تۇرمىستىق زورلىق-زومبىلىقتان 69 ايەل، 7 بالا قايتىس بولعان. تۇرمىستىق زورلىق دەرەگى بويىنشا 99 مىڭنان اسا حابار تۇسكەن. بالالارعا قارسى 2 452 قىلمىس جاسالعان. بىرنەشە رەزونانس تۋدىرعان جاعداي بولدى، - دەدى دەپۋتات.
دەپۋتاتتىڭ سوزىنشە، سەناتتاعىلار ۇكىمەتكە ماسەلەگە قاتىستى ساۋال جولداعان.
دەپۋتاتتار ۇسىنعان زاڭ جوباسىندا زورلىق-زومبىلىقتى كريميناليزاتسيالاۋ، ياعني ۇرىپ-سوعۋ جانە دەنساۋلىققا جەڭىل زيان كەلتىرگەنى ءۇشىن قىلمىستىق جاۋاپكەرشىلىككە تارتۋ قاراستىرىلعان. ودان بولەك، بالالارعا قاتىستى زورلىق-زومبىلىقتىڭ بارلىق نىساندارى ءۇشىن جازانى قاتاڭداتۋ جانە تاراپتاردىڭ تاتۋلاسۋىن بولدىرماۋ دا قامتىلعان.
