جىل باسىنان بەرى دۇنيەدە نە ءتۇرلى وقيعالار بولىپ جاتىر. سونىڭ ىشىندە گەوساياسي قاقتىعىستاردىڭ كەسىرى قاراپايىم جۇرتقا كوپ تيۋدە. رەسەيدەگى حالىقتىڭ حالىنەن حاباردارمىز. ارينە، مۇنداي كەزەڭدە ولار وزگەدەن قولداۋ كۇتەدى. ساياساتتىڭ ءىسى ءۇشىن قاراپايىم حالقىنىڭ كىناسى جوق ەكەنى ايان. ەلءىمىزگە كەلىپ جاتقان رەسەيلىكتەرگە قولدان كەلگەنشە قامقورلىق جاساعان ءجون دەپ بىلەمىن.
قازاق اۋەلدەن قوناقجاي، وزگەگە بولىسىپ تۇراتىن، از عانا ازىعىن تارتىپ ەمەس، ءبولىسىپ جەيتىن ەل. ونىڭ دالەلى جەتەرلىك. ءبىر 20-عاسىردىڭ وزىندە قانشاما بوسىپ كەلگەن قانشاما ۇلتتى باۋىرىمىزعا باسىپ، وسىردىك، تۇلەتتىك. وتكەن عاسىردىڭ قيلى كەزەڭى ەشكىمدى ايامادى. قازىر مەملەكەتىمىزدە 100-دەن استام ۇلت بار. سونىڭ ءبارى تاتۋ بولىپ، اۋىزبىرشىلىگىنەن جاڭىلماي عۇمىر كەشۋدە. ەلدىڭ اماندىعىن، تىنىشتىعىن قادىرلەي بىلگەنىمىز دۇرىس. پرەزيدەنت قاسىم-جومارت توقاەۆ تا بۇل نارسەنى ءجيى ايتىپ ءجۇر. راسىمەن دە، تۇراقتىلىق – ءبىزدىڭ باستى بايلىعىمىز.
اركىممەن ارازداسقاننان پايدا تاپپايمىز. رەسەيلىكتەر قامقورلىق جاساعان ءجون، بىراق قاداعالاۋدى دا ۇمىتپاۋ قاجەت. كومەك كورسەتۋ دەگەن ءسوز ءبارىن ەركىنە جىبەرىپ, وزگەگە قاراعاندا ارتىقشىلىق بەرۋ دەگەن ەمەس. ۋاقىتشا كەلگەنىن، ءارى كەتسە 3 اي جۇرە الاتىنىن بىلەمىز. زاڭدارىمىزعا باعىنىپ، تارتىپكە قۇلاق اسۋى ءتيىس. ساقتىقتى ۇمىتپاعان ابزال, ايتپەسە ورتادا نەبىر ارانداتۋشىلار بار. جالعان اقپاراتتى جۇرتقا جايىپ، جاپا شەكتىرۋى مۇمكىن. سوندىقتان بۇل باعىتتا ازاماتتاردىڭ قاۋىپسىزدىگىنە باسا نازار اۋدارىپ، ەلدى سابىر مەن اقىلعا شاقىرعان دۇرىس. ەلىمىز الدا ماڭىزدى كەزەڭدەردەن وتكەلى تۇر. حالىقتىڭ اۋىزبىرشىلىگى، تۇتاستىعىن جوعالتپاۋى تۇتاس مۇددەمىزگە اينالۋى كەرەك. حالىق پەن بيلىك ۇندەستىك تابۋى ءتيىس. وسى تۇرعىدان قاراعاندا، ۇلتتىق مەملەكەت قۇرۋ جولىندا باسىنان سان-ساپالاق قيىندىقتاردى وتكىزءىپ، وسى كۇنگە جەتكەنقازاقستان سياقتى كوپ ۇلت وكىلدەرى تۇراتىن قازىرگى تاۋەلسىز جۇرتىمىزدىڭ بولاشاعىن باعدارلاپ، باعىتىمىزدى انىقتاۋدا بەيبىتشىلىكتىڭ ورنى ەرەكشە.
فاۋزيا ورازباەۆا، پروفەسسور
