قازاق ءتىلىن مەنسىنبەيتىن وتاندىق سپورتشىلار سىننىڭ استىندا قالدى. جۋرناليست بوكسشى سەرىك ساپيەۆقا "سپورتشىلارعا قازاق ءتىلى كەرەك ەمەس پە؟" دەپ وتكىر سۇراقتار قويىپ، ساستىردى. بۇل تۋرالى "ادىرنا" ۇلتتىق پورتالى جازادى.
ءجۋرناليستتىڭ: "بۇگىن مىنە سپورتتىڭ قايماقتارى بولدى عوي... وليمپيادا چەمپيوندارى، الەم چەمپيوندارى... ءبارىنىڭ باسىن قوسىپ جاتسىزدار. بىراق نەگە جينالىس 99 پايىز ورىسشا ءوتتى؟ باياندامالار مەملەكەتتىك تىلدە ايتىلمادى... مىسالى، بىزدە دە قازاق ءتىلدى اۋديتوريا بار عوي. ولاردى نەگە ويلامايسىزدار؟ مەملەكەتتىك تىلگە نەگە وسىنداي كوزقاراس تانىتاسىزدار؟ ءبىزدىڭ سپورتشىلارعا قازاق ءتىلى كەرەك ەمەس پە سوندا؟" دەگەن سۇراعىنا ساپيەۆ بىلاي جاۋاپ بەردى:
ء"وزىم قازاق ءتىلى مەن ورىس ءتىلىن ارالاستىرىپ، بايانداما ايتتىم. بۇل سپورتشىلارعا بايلانىستى... ولار ءوز تىلىمەن ايتتى... ارينە مەملەكەتتىك ءتىل كەرەك. بىراق ولار ورىسشا ايتتى. ەندى مەن نە ايتا الامىن؟ قازاقشا سويلەڭدەر دەپ ايتايىن با ولارعا؟ جاقسى ايتامىن. بولدى راقمەت", - دەپ ءتىل قاتتى ساپيەۆ.
"ادىرنا" ۇلتتىق پورتالى
