Qazaq tilin mensinbeıtin otandyq sportshylar synnyń astynda qaldy. Jýrnalıst boksshy Serik Sápıevqa "sportshylarǵa qazaq tili kerek emes pe?" dep ótkir suraqtar qoıyp, sastyrdy. Bul týraly "Adyrna" ulttyq portaly jazady.
Jýrnalısttiń: "Búgin mine sporttyń qaımaqtary boldy ǵoı... Olımpıada chempıondary, álem chempıondary... Báriniń basyn qosyp jatsyzdar. Biraq nege jınalys 99 paıyz oryssha ótti? Baıandamalar memlekettik tilde aıtylmady... Mysaly, bizde de qazaq tildi aýdıtorııa bar ǵoı. Olardy nege oılamaısyzdar? Memlekettik tilge nege osyndaı kózqaras tanytasyzdar? Bizdiń sportshylarǵa qazaq tili kerek emes pe sonda?" degen suraǵyna Sápıev bylaı jaýap berdi:
"Ózim qazaq tili men orys tilin aralastyryp, baıandama aıttym. Bul sportshylarǵa baılanysty... Olar óz tilimen aıtty... Árıne memlekettik til kerek. Biraq olar oryssha aıtty. Endi men ne aıta alamyn? Qazaqsha sóıleńder dep aıtaıyn ba olarǵa? Jaqsy aıtamyn. Boldy raqmet", - dep til qatty Sápıev.
"Adyrna" ulttyq portaly
