قازاقستاننىڭ رەسەيدەگى ەلشىسى ەرمەك كوشەرباەۆ رەسەي سىرتقى ىستەر مينيسترلىگىنە شاقىرىلىپ، وعان قازاقستان تاراپى ەشۋاقىتتا شىعارىپ جىبەرمەگەن ۋكراينانىڭ رەسپۋبليكاداعى ەلشىسى پەتر ۆرۋبلەۆسكيگە قاتىستى جاعدايدى قابىلداۋعا بولمايتىنىن ايتقاننان كەيىن رەسەيدەگى سىرتقى ىستەر مينيسترلىگىنە شاقىرىلدى، دەپ حابارلايدى “ادىرنا” ۇلتتىق پورتالى.
ول ورىستاردى ولتىرۋگە شاقىرعان ەدى.
پەتر ۆرۋبلەۆسكي استاناعا قايتا ورالىپ، ەلشىلىك جەتەكشىسى رەتىندە ديپلوماتيالىق كەزدەسۋلەرگە قاتىسىپ جۇرگەن.
«بۇل ادام قازاقستاننىڭ استاناسىندا قايتا پايدا بولدى. ول «جۇگىن جيناپ، وتباسىن الىپ كەتۋ» ءۇشىن كەلمەگەنى كورىنىپ تۇر. ەشكىمنەن جاسىرىنباي ديپلوماتيالىق كەزدەسۋلەرگە قاتىسىپ ءجۇر. 4 قازاندا رەسەي سىرتقى ىستەر مينيسترلىگى قازاقستان ەلشىسى ەرمەك كوشەرباەۆتى شاقىرتىپ الىپ، بۇنداي جاعدايدىڭ قولايسىز ەكەنىن مالىمدەدى»، – دەدى رەسەي ءسىم رەسمي وكىلى ماريا زاحاروۆا.
ايتا كەتەيىك، ۋكراينانىڭ قازاقستانداعى توتەنشە جانە وكىلەتتى ەلشىسى پەتر ۆرۋبلەۆسكي قازاقستاندىق بلوگەر دياس قۇزايىرعا بەرگەن سۇحباتىندا ورىستاردى ءولتىرۋ كەرەگىن ايتقان بولاتىن.
«ورىستاردى بارىنشا قىرىپ-جويۋ كەرەك. قازىر ءبىز مەيلىنشە ولاردىڭ كوزىن جويساق، ەرتەڭ ءبىزدىڭ ۇرپاعىمىز قان توكپەيتىن بولادى» دەگەن ەدى.
كەيىن پەتر ۆرۋبلەۆسكي دورەكى سوزدەرى ءۇشىن كەشىرىم سۇرادى.
قازاقستاننىڭ سىرتقى ىستەر مينيسترلىگىنىڭ رەسمي وكىلى ايبەك سمادياروۆ قازاقستان بيلىگى ۋكراينا ەلشىسى پەتر ۆرۋبلەۆسكيدى ەلدەن شىعارۋ تۋرالى تالاپ قويماعانىن مالىمدەگەن بولاتىن.
”ادىرنا” ۇلتتىق پورتالى
