Qazaqstannyŋ Reseidegı elşısı Ermek Köşerbaev Resei Syrtqy ıster ministrlıgıne şaqyrylyp, oǧan Qazaqstan tarapy eşuaqytta şyǧaryp jıbermegen Ukrainanyŋ respublikadaǧy elşısı Petr Vrublevskiige qatysty jaǧdaidy qabyldauǧa bolmaitynyn aitqannan keiın Reseidegı Syrtqy ıster ministrlıgıne şaqyryldy, dep habarlaidy “Adyrna” ūlttyq portaly.
Ol orystardy öltıruge şaqyrǧan edı.
Petr Vrublevskii Astanaǧa qaita oralyp, elşılık jetekşısı retınde diplomatiialyq kezdesulerge qatysyp jürgen.
«Būl adam Qazaqstannyŋ astanasynda qaita paida boldy. Ol «jügın jinap, otbasyn alyp ketu» üşın kelmegenı körınıp tūr. Eşkımnen jasyrynbai diplomatiialyq kezdesulerge qatysyp jür. 4 qazanda Resei syrtqy ıster ministrlıgı Qazaqstan elşısı Ermek Köşerbaevty şaqyrtyp alyp, būndai jaǧdaidyŋ qolaisyz ekenın mälımdedı», – dedı Resei SIM resmi ökılı Mariia Zaharova.
Aita keteiık, Ukrainanyŋ Qazaqstandaǧy tötenşe jäne ökılettı elşısı Petr Vrublevskii qazaqstandyq bloger Dias Qūzaiyrǧa bergen sūhbatynda orystardy öltıru keregın aitqan bolatyn.
«Orystardy barynşa qyryp-joiu kerek. Qazır bız meilınşe olardyŋ közın joisaq, erteŋ bızdıŋ ūrpaǧymyz qan tökpeitın bolady» degen edı.
Keiın Petr Vrublevskii dörekı sözderı üşın keşırım sūrady.
Qazaqstannyŋ Syrtqy ıster ministrlıgınıŋ resmi ökılı Aibek Smadiiarov Qazaqstan bilıgı Ukraina elşısı Petr Vrublevskiidı elden şyǧaru turaly talap qoimaǧanyn mälımdegen bolatyn.
”Adyrna” ūlttyq portaly
