Qazaqstannyń Reseıdegi elshisi Ermek Kósherbaev Reseı Syrtqy ister mınıstrligine shaqyrylyp, oǵan Qazaqstan tarapy eshýaqytta shyǵaryp jibermegen Ýkraınanyń respýblıkadaǵy elshisi Petr Vrýblevskııge qatysty jaǵdaıdy qabyldaýǵa bolmaıtynyn aıtqannan keıin Reseıdegi Syrtqy ister mınıstrligine shaqyryldy, dep habarlaıdy “Adyrna” ulttyq portaly.
Ol orystardy óltirýge shaqyrǵan edi.
Petr Vrýblevskıı Astanaǵa qaıta oralyp, elshilik jetekshisi retinde dıplomatııalyq kezdesýlerge qatysyp júrgen.
«Bul adam Qazaqstannyń astanasynda qaıta paıda boldy. Ol «júgin jınap, otbasyn alyp ketý» úshin kelmegeni kórinip tur. Eshkimnen jasyrynbaı dıplomatııalyq kezdesýlerge qatysyp júr. 4 qazanda Reseı syrtqy ister mınıstrligi Qazaqstan elshisi Ermek Kósherbaevty shaqyrtyp alyp, bundaı jaǵdaıdyń qolaısyz ekenin málimdedi», – dedi Reseı SIM resmı ókili Marııa Zaharova.
Aıta keteıik, Ýkraınanyń Qazaqstandaǵy tótenshe jáne ókiletti elshisi Petr Vrýblevskıı qazaqstandyq bloger Dıas Quzaıyrǵa bergen suhbatynda orystardy óltirý keregin aıtqan bolatyn.
«Orystardy barynsha qyryp-joıý kerek. Qazir biz meılinshe olardyń kózin joısaq, erteń bizdiń urpaǵymyz qan tókpeıtin bolady» degen edi.
Keıin Petr Vrýblevskıı dóreki sózderi úshin keshirim surady.
Qazaqstannyń Syrtqy ister mınıstrliginiń resmı ókili Aıbek Smadııarov Qazaqstan bıligi Ýkraına elshisi Petr Vrýblevskııdi elden shyǵarý týraly talap qoımaǵanyn málimdegen bolatyn.
”Adyrna” ulttyq portaly
