مەملەكەت باسشىسىنىڭ جولداۋىنىڭ نەگىزگى باعىتتارىن حالىققا ءتۇسىندىرۋ ماقساتىندا اۋقىمدى اقپاراتتىق ناۋقان باستالعان بولاتىن. وسى ماقساتتا قۇرامىندا قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ مينيسترلىگىنىڭ وكىلدەرى بار اقپاراتتىق-ءتۇسىندىرۋ توبى جۇمىس ساپارىمەن بقو-دا بولىپ، الەۋمەتتىك-ەڭبەك سالاسىنداعى جانە الەۋمەتتىك كودەكس جوباسىنىڭ نورمالارىن حالىققا ءتۇسىندىردى.
قىركۇيەك ايىنىڭ سوڭىندا مينيسترلىك وكىلدەرى مەن ەنشىلەس كاسىپورىنداردىڭ باسشىلارىنان قۇرالعان ءموبيلدى توپتار جۇمىسىن باستادى. باسقارما وكىلدەرى الدىمەن بقو اكىمىنىڭ ورىنباسارى باقىتجان نارىمبەتوۆپەن كەزدەستى، سونداي-اق مۇمكىندىگى شەكتەۋلى جاندارعا ارنالعان «تاۋەلسىز ءومىر ءسۇرۋ» ۇيىندە بولىپ، «جايىقتەپلوەنەرگو» اق ۇجىمىمەن جانە ورال جوعارى اگرارلىق تەحنيكالىق كوللەدجىنىڭ جاستارىمەن جۇزدەستى. سولنداي-اق جۇمىس ساپارى بايتەرەك، تەرەكتى اۋداندارىندا جالعاسىپ، اۋىل اكىمدەرىمەن، اۋداندىق ءماسليحات دەپۋتاتتارىمەن، سونداي-اق جاستارمەن، ءبىلىم جانە مەديتسينا سالاسىنىڭ قىزمەتكەرلەرىمەن اڭگىمەلەستى، مەديتسينالىق-الەۋمەتتىك مەكەمەدە بولدى.
اۋىل تۇرعىندارىنا «تسيفرلىق وتباسى كارتاسىن» ەنگىزۋ، جاڭا كوشى-قون ساياساتى، سونداي-اق جۇمىسپەن قامتۋ، بالالى وتباسىلاردى قولداۋ شارالارى، ارناۋلى الەۋمەتتىك قىزمەت كورسەتۋ جۇيەسىن جاڭعىرتۋ جانە زەينەتاقى تولەمدەرىن ارتتىرۋ تۋرالى ايتىلدى.
ءبىر سوزبەن ايتقاندا، باتىسقازاقستاندىقتار الەۋمەتتىك سالاداعى يننوۆاتسيالارعا قانىق بولدى.
