باتىس قازاقستان وبلىسى اۋماعىندا قۇلاعان ۇشقىشسىز ۇشۋ اپپاراتىنا قاتىستى قورعانىس مينيسترلىگى مالىمدەمە جاسادى، دەپ حابارلايدى "ادىرنا" ۇلتتىق پورتالى.
ۆەدومستۆونىڭ مالىمەتىنشە، دروننىڭ قالدىقتارى ەلدى مەكەندەردەن الشاق جەردەن تابىلعان. زارداپ شەككەندەر مەن ماتەريالدىق شىعىن جوق.
«ۋاكىلەتتى مەملەكەتتىك ورگاندارمەن بىرلەسىپ، وقيعانىڭ ءمان-جايىن جانە نىساننىڭ شىعۋ تەگىن انىقتاۋعا باعىتتالعان تەكسەرۋ ءىس-شارالارى جۇرگىزىلىپ جاتىر»، — دەلىنگەن مينيسترلىك حابارلاماسىندا.
قورعانىس مينيسترلىگى اتاپ وتكەندەي، اۋە كەڭىستىگىن باقىلاۋدى كۇشەيتۋ جانە شەكارانى رۇقساتسىز كەسىپ وتۋگە جول بەرمەۋ ماقساتىندا قوسىمشا شارالار قابىلدانعان.
ايتا كەتەيىك، بۇعان دەيىن الەۋمەتتىك جەلىلەردە باتىس قازاقستان وبلىسى اۋماعىندا ۇشقىشسىز ۇشۋ اپپاراتى قۇلاعانى تۋرالى اقپارات تاراعان ەدى.
