الەۋمەتتىك جەلىدە رەسەي بيلىگىنىڭ سويقان ساياساتىنا سانالى تۇردە قارسىلىق تانىتقان قارشاداي قىزدىڭ پىكىرى جاريالاندى. ماسكەۋلىك 15 جاسار ءجاسوسپىرىم ءوز سوزىندە ءپۋتيننىڭ ساياساتىن ايىپتايدى. ۋكراينالىق قۇربانداردىڭ قۇرمەتىنە قويىلعان مەموريالعا بارعان بويدا پوليتسيانىڭ ۇستاپ اكەتكەنىن بايانداپ، ءوزىنىڭ ازاماتتىق كوزقاراسىن باتىل بىلدىرەدى. بۇل جايدى "ادىرنا" ۇلتتىق پورتالى جازدى.
15 جاسار مەكتەپ وقۋشىسى كاتيانى "لەسيا ۋكراينكا" ەسكەرتكىشىنىڭ جانىندا پوليتسيا ۇستاپ اكەتكەن. ول دنەپردەگى ورىس زىمىرانىنان قازا تاپقانداردى ەسكە الۋعا ارنالعان مەموريالعا ءتاۋ ەتۋگە بارعان. سۇحبات "حودوركوۆسكي Live" ارناسىنىڭ " اۋا " باعدارلاماسىندا ايتىلدى.
"پۋتين مەنى كوزقاراسىمنىڭ وزگەرۋى ءۇشىن كۇش كورسەتە دە، ىقپال ەتە دە المايدى. ۋكراينادا بولىپ جاتقان وقيعالار جانىمدى جارالاپ ءجۇر. مەن بۇعان قاراپ جاق اشپاي، ءۇنسىز وتىرا المايدى ەكەنمىن، - دەدى قارشاداي قىز.
رەسەي زىمىراندارى دنەپردەگى تۇرعىن ءۇيدى جارىپ جىبەرگەن كەزدە باتىل قىز مەموريالعا گۇل شوقتارىن قويۋعا بارادى. ونى پوليتسيا ۇستاپ اكەتىپ، انا-اناسىنىڭ قاتىسۋىنسىز تەرگەۋگە العان.
"ادىرنا" ۇلتتىق پورتالى
