Elordada ótip jatqan álemdik jáne dástúrli dinder kóshbasshylary keńesiniń uıymdastyrylýy men ótýine Qazaqstan halqy ǵana emes, tutas álem kóz tigip otyr . VII sezdiń uıymdastyrylýy men saıası salmaqtylyǵyna qatysty oı-pikirler ulttyq aqparat keńistiginde talqyǵa túsýde. Jýrnalıst, zertteýshi Kámshat Tasbolat kópshiliktiń nazaryn sezdegi qazaq tilininiń qoldanysyna aýdardy, dep habarlaıdy "Adyrna".
- Álemdik jáne dástúrli dinder seziniń elimizde ótkizilgeni quptarlyq. Tek bir áttegen-aıy, kesheli beri sezdiń Banneri qazaqsha jáne aǵylshynsha jazyldy dep jurttyń bári súıinshilese de, keshegi otyrystyń da, búgingi sezdiń de Moderaııasy orys tilinde júrdi?! Endi qarańyz, Vatıkan basshysy, arab áleminiń ǵulamalary, Izraıl ravvınderi, basqa da baptıst, býddıst, t.b. din ókilderine qazaqsha sóz beresiń be, oryssha sóz beresiń be, báribir. Reseıdiń patrıarhy jıynǵa kelmedi, sonda Máskeý patrıarhatynyń ókiline jasalǵan qurmet pe bul? Jalpy, halyqaralyq zańdarǵa, ustanymdarǵa sáıkes, álemdik sharalardy Qabyldaýshy eldiń memlekettik tilinde ótkizýge bolady! Sondyqtan qabyldaýshy tarap - Qazaqstan bolǵan soń, sezd memlekettik til - qazaq tilinde ótýi kerek! Mindetti. 19 mln halyqtyń 13,5 mıllıony qazaq, buǵan birneshe mıllıon túrki tildes baýyrlarymyzdy qosyńyz. Elimizde qazaqsha biletin qanshama nemis, ýkraın káris, orys, t.b. bar. Memlekettik til - memlekettiliktiń nysany! 31 jyl boıy memlekettik tildi halyqaralyq jıyndarda dálizden syǵalatyp qoıǵan "eski de jańa" bılikke bul úlken syn, - dep jazdy jýrnalıst.
"Adyrna" ulttyq portaly
