قىرعىز-تاجىك شەكاراسىندا تاعى دا قارۋلى قاقتىعىس بولدى، دەپ حابارلايدى ”ادىرنا” ۇلتتىق پورتالى 24.kg اگەنتتىگىنە سىلتەمە جاساپ.
وقيعا بۇگىن، 14 قىركۇيەكتە باتكەن وبلىسىنىڭ بۇلاق-باشى اۋدانىندا بولعان. كورشى ەلدىڭ اسكەري قىزمەتشىلەرى تاراپتار اراسىندا بۇرىن قول جەتكىزىلگەن ۋاعدالاستىقتى بۇزعان. قىرعىز رەسپۋبليكاسى شەكاراشىلارى تاجىكستاننىڭ شەكارا وتريادىن تاپتى.
«قىرعىز تاراپىنىڭ اۋماقتان شىعۋ تۋرالى تالاپتارىن ەلەمەي، تاجىك شەكاراشىلارى وق جاۋدىردى. بۇعان جاۋاپ رەتىندە قىرعىز رەسپۋبليكاسىنىڭ شەكاراشىلارى دا قارۋ قولدانعان. اتىس باستالىپ، ونىڭ بارىسىندا تاجىك تاراپى مينومەت قولداندى. ساعات 9:30-داعى جاعداي بويىنشا دۇركىن-دۇركىن اتىس بولىپ جاتىر. الدىن الا مالىمەت بويىنشا، قىرعىز تاراپىنان قۇرباندار مەن زارداپ شەككەندەر جوق. وقيعا ورنىنا باتكەن شەكارا وتريادىنىڭ باستىعى اتتاندى. شەكارا قىزمەتىنىڭ باتكەن وبلىستىق باسقارماسىنىڭ باستىعى، پولكوۆنيك قيالبەك تولەنباەۆ پەن تاجىكستان رەسپۋبليكاسى شەكارا اسكەرلەرىنىڭ سوعدى وبلىستىق باسقارماسىنىڭ باستىعى، گەنەرال-مايور ح.پيراكزودا اراسىندا قاقتىعىستىڭ ورشۋىنە جول بەرمەۋ ماقساتىندا تەلەفون ارقىلى سويلەستى. تاراپتار كەزدەسۋدى جوسپارلاپ وتىر»، – دەپ جازىلعانۆەدومستۆو حابارلاماسىندا.
”ادىرنا” ۇلتتىق پورتالى
