شري-لانكانىڭ ءتورت ازاماتى قازاق ەلىنىڭ شەكاراسىنان شىعارىلدى

1998
Adyrna.kz Telegram

ورال ستانتسياسىنداعى كولىك پوليتسەيلەرى شەتەلدىكتەردى ۇستادى. شري-لانكا رەسپۋبليكاسىنىڭ ءتورت ازاماتى قازاقستان رەسپۋبليكاسىنىڭ كوشى-قون زاڭناماسىن بۇزعان. ولار ۆيزادا كورسەتىلگەن مەرزىمدە قر اۋماعىنان شىقپاي، ەلدە ءجۇرىپ العان، دەپ حابارلايدى "ادىرنا" ۇلتتىق پورتالى.

- قۇقىق بۇزۋشىلارعا قاتىستى قر اقبتك-ءنىڭ 517-بابى 4-بولىگى بويىنشا اكىمشىلىك ماتەريالدار تولتىرىلدى. ورال قالاسى اكىمشىلىك قۇقىق بۇزۋشىلىقتار جونىندەگى سوتىنىڭ قاۋلىسىمەن شەتەلدىك ازاماتتارعا 5 جىل مەرزىمگە قر اۋماعىنا كىرۋگە تىيىم سالۋ بەلگىلەنىپ، قازاقستان رەسپۋبليكاسىنان تىس جەرگە شىعارىپ جىبەرۋ تۇرىندە جاۋاپقا تارتىلدى، -دەدى دەپارتامەنت باسشىىنىڭ ءبىرىنشى ورىنباسارى ماديار ايتۋعانوۆ.

قازاقستان اۋماعىندا ۇزاعىنان قالعىسى كەلگەن شري-لانكالىق شەتەلدىكتەر - 21, 25, جانە 26 جاستا. ولار “قۇقىقتىق ءتارتىپ” جەدەل-پروفيلاكتيكالىق ءىس-شاراسىنىڭ اياسىندا قۇرىقتالدى.

"ادىرنا" ۇلتتىق پورتالى

پىكىرلەر