پاۆلودار قالاسىنداعى 6679 اسكەري بولىمىندە بولعان اتىس سالدارىنان ءبىر اسكەري قىزمەتكەر قازا تاۋىپ، ەكىنشىسى جارالاندى. بۇل تۋرالى ىشكى ىستەر مينيسترلىگى جازدى، دەپ حابارلايدى «ادىرنا» ءتىلشىسى.
«الدىن الا مالىمەتكە سايكەس، كەلىسىمشارت نەگىزىندە قىزمەت ەتەتىن اسكەري قىزمەتكەر بەكىتىلگەن قارۋدان وق اتقان. سونىڭ سالدارىنان ءوزى وقيعا ورنىندا قازا تاپتى، ال تاعى ءبىر اسكەري قىزمەتكەر جاراقات الدى»، – دەلىنگەن حابارلامادا.
ءىىم مالىمەتىنشە، اتالعان دەرەك بويىنشا سوتقا دەيىنگى تەرگەۋ جۇرگىزىلىپ، وقيعانىڭ بارلىق ءمان-جايى انىقتالۋدا.
«تەرگەۋ بارىسى ءىىم-ءنىڭ باقىلاۋىندا. تەكسەرىلمەگەن اقپارات تاراتۋدان اۋلاق بولۋدى سۇرايمىز»، – دەدى مينيسترلىك.
پاۆلودار قالالىق №1 اۋرۋحاناسىنىڭ مالىمەتىنشە، 2001 جىلى تۋعان جارالانعان ناۋقاس جانساقتاۋ بولىمىندە جاتىر. ونىڭ جاعدايى اۋىر، بىراق تۇراقتى دەپ باعالانۋدا. قاجەتتى ەم-شارالار جۇرگىزىلۋدە.
