Qyrǵyz-tájik shekarasynda taǵy da qarýly qaqtyǵys boldy, dep habarlaıdy ”Adyrna” ulttyq portaly 24.kg agenttigine silteme jasap.
Oqıǵa búgin, 14 qyrkúıekte Batken oblysynyń Bulaq-Bashy aýdanynda bolǵan. Kórshi eldiń áskerı qyzmetshileri taraptar arasynda buryn qol jetkizilgen ýaǵdalastyqty buzǵan. Qyrǵyz Respýblıkasy shekarashylary Tájikstannyń shekara otrıadyn tapty.
«Qyrǵyz tarapynyń aýmaqtan shyǵý týraly talaptaryn elemeı, tájik shekarashylary oq jaýdyrdy. Buǵan jaýap retinde Qyrǵyz Respýblıkasynyń shekarashylary da qarý qoldanǵan. Atys bastalyp, onyń barysynda tájik tarapy mınomet qoldandy. Saǵat 9:30-daǵy jaǵdaı boıynsha dúrkin-dúrkin atys bolyp jatyr. Aldyn ala málimet boıynsha, qyrǵyz tarapynan qurbandar men zardap shekkender joq. Oqıǵa ornyna Batken shekara otrıadynyń bastyǵy attandy. Shekara qyzmetiniń Batken oblystyq basqarmasynyń bastyǵy, polkovnık Qııalbek Tólenbaev pen Tájikstan Respýblıkasy Shekara áskerleriniń Soǵdy oblystyq basqarmasynyń bastyǵy, general-maıor H.Pırakzoda arasynda qaqtyǵystyń órshýine jol bermeý maqsatynda telefon arqyly sóılesti. Taraptar kezdesýdi josparlap otyr», – dep jazylǵanvedomstvo habarlamasynda.
”Adyrna” ulttyq portaly
