قىرعىزستان پرەزيدەنتى سادىر جاپاروۆ رەسمي ساپارمەن قازاقستانعا كەلەدى. بۇل تۋرالى قازاقستان مەن قىرعىز رەسپۋبليكاسى سىرتقى ىستەر مينيسترلەرىنىڭ كەزدەسۋىندە بەلگىلى بولدى، دەپ حابارلايدى “ادىرنا” ۇلتتىق پورتالى.
"قىرعىزستان پرەزيدەنتى سادىر جاپاروۆ 2024 جىلى رەسمي ساپارمەن قازاقستانعا بارادى", - دەپ حابارلادى قىرعىزستاننىڭ سىرتقى ىستەر ءمينيسترى جەەنبەك كۋلۋباەۆ.
ايتا كەتەيىك، قازاقستان پرەمەر-ءمينيسترىنىڭ ورىنباسارى – سىرتقى ىستەر ءمينيسترى مۇرات نۇرتىلەۋ بىشكەكتە ءجۇر.
قىرعىز رەسپۋبليكاسى سىرتقى ىستەر مينيسترلىگىنىڭ حابارلاۋىنشا، بيىل ەكى ەلدىڭ ۇكىمەت باسشىلارىنىڭ توراعالىعىمەن قىرعىز-قازاق ۇكىمەتارالىق كوميسسياسىنىڭ وتىرىسى وتەدى.
