قىرعىزستاننىڭ "قاراكول" تاۋ شاڭعى بازاسىندا 1 اقپان كۇنى اسپالى جولدىڭ ءبىر تىرەگى قۇلاپ، بىرنەشە ادام بيىكتە قالىپ قويدى، دەپ حابارلايدى "ادىرنا" ۇلتتىق پورتالى Kaktus.Media سايتىنا سىلتەمە جاساپ.
وقيعا قاراكول شاتقالىندا ورنالاسقان تاۋ شاڭعى كەشەنىندە بولعان. قىرعىزستان توتەنشە جاعدايلار مينيسترلىگىنىڭ ءباسپاسوز قىزمەتى حابارلاعانداي، تەحنيكالىق توپ دەر كەزىندە شارا قولدانىپ، ادامداردى قاۋىپسىز جەرگە ءتۇسىردى.
"شاڭعى بازاسىنىڭ تەحنيكالىق قىزمەتى قاجەتتى شارالاردى قابىلداپ، ادامداردى قاۋىپسىز جەرگە ءتۇسىردى. سونىمەن قاتار، دەمالۋشىلارعا ءتۇسىندىرۋ جۇمىستارىن جۇرگىزۋ جانە قاۋىپسىزدىك شارالارىن باقىلاۋ ءۇشىن قاراكول قالاسىنىڭ №15 توتەنشە جاعدايلار ءبولىمىنىڭ جەدەل توبى جىبەرىلدى", – دەلىنگەن تجم حابارلاماسىندا.
قازىرگى ۋاقىتتا وقيعا ورنىنا ماماندار بارىپ، توتەنشە جاعدايدىڭ سەبەبىن انىقتاۋ جۇمىستارى جۇرگىزىلىپ جاتىر.
