قىرعىزستاننىڭ ۇلتتىق قاۋىپسىزدىك مەملەكەتتىك كوميتەتىندە وتكەن جينالىستا 24 قىزمەتكەر ۇستالدى، دەپ حابارلايدى «ادىرنا» ءتىلشىسى.
ولاردىڭ قاتارىندا 7 سالىق قىزمەتكەرى، 6 شەكاراشى، فيتوسانيتارلىق قىزمەتتىڭ 7 وكىلى جانە كولىك مينيسترلىگىنىڭ باقىلاۋ بولىمىنەن 4 قىزمەتكەر بار. شەنەۋنىكتەر قىرعىز-قازاق شەكاراسىنداعى سىبايلاس جەمقورلىق سحەمالارى ءۇشىن تۇتقىندالعان.
«چالدوۆار – اۆتوكولىك باقىلاۋ-وتكىزۋ بەكەتىندە تۇراقتى سىبايلاس جەمقورلىققا قاتىسى بار دەگەن كۇدىكتەن بىرقاتار لاۋازىمدى تۇلعا ۇستالدى»،–دەپ جازدى ۇقمك.
مەملەكەتتىك كوميتەتتىڭ دەرەگىنشە، اتالعان تۇلعالار شەنەۋنىكتەرگە زاڭسىز تاۋار اكەلۋگە كوز جۇما قاراۋى ءۇشىن ۇنەمى پارا بەرىپ وتىرعان.
«لاۋازىمدى تۇلعالار ەاەو ەلدەرىنەن تاۋارلاردى زاڭسىز اكەلۋ سحەماسىن قۇرعان. بۇل ءۇشىن جالعان قۇجاتتار پايدالانىلعان. دەلدالدار ناقتى جۇك يەلەرىنەن كونتراباندالىق تاۋار تيەلگەن ءاربىر جۇك كولىگى ءۇشىن 2 مىڭ اقش دوللارىنا دەيىن العان. ال مەملەكەتتىك ورگانداردىڭ شەنەۋنىكتەرى سىياقى رەتىندە 57-80 دوللار كولەمىندە اقشا الىپ وتىرعان»،—دەلىنگەن حابارلامادا.
