ليۋبوۆ كلەيمەنوۆا سەگىز جاسىنان باستاپ اكەسى مەن اتا-اجەسىنىڭ قولىندا تاربيەلەنگەن. ون جاسىندا تۋىستارى اناسىنىڭ قايتىس بولعانىن ايتىپ، قايتىس بولعانى تۋرالى كۋالىكتى كورسەتتى، دەپ حابارلايدى «ادىرنا» «موي گورود» باسىلىمىنا سىلتەمە جاساپ.
ايەل «موي گورود» پورتالىنىڭ جۋرناليستەرىنە اناسىنىڭ ەركەلىگىن، قامقورلىعىن، ىستىق الاقانىن ارمانداپ، تۇرمەدە وتىرعانداي ءومىر سۇرگەنىن ايتتى. اناسى ۆەرا چەرنوياروۆامەن وتكىزگەن سوڭعى كۇن ونىڭ جادىندا ماڭگىلىك قالدى.
28 جىلدان كەيىن ول اناسىن تىرىدەي تاپتى. ليۋبوۆ كلەيمەنوۆا ونى وتانىنا قايتارۋ ءۇشىن بارلىعىن جاسادى، رەسەيدە ەشقانداي قۇجاتسىز جۇرگەن اناسى قىزىمەن قاۋىشقان.
«اتاممەن سوتتا ونىڭ قايتىس بولۋى تۋرالى كۋالىكتى جويۋعا تۋرا كەلدى، ويتكەنى ول مەنى قامقورلىققا العان جانە وسى قۇجاتتاردى ادەيى جاساعان. سوسىن مەن وعان بالالىعىممەن سەندىم. جول بويى مەن قاتتى ۋايىمدادىم، كەزدەسۋدە ءبىر-ءبىرىمىزدى قۇشاقتاپ ءۇنسىز جىلادىق. تىنىشتالدى. ءبىز سويلەستىك. مەن ونى استراحانداعى ەلشىلىككە اپاردىم»، - دەيدى كلەيمەنوۆا.
ايەل اناسى اقىرىنداپ جاڭا ەلگە ۇيرەنىپ كەلە جاتقانىن ايتادى. نەمەرەلەرىمەن ويناپ مارقايىپ جۇرگەنىن دە جاسىرمادى.
«انام مەنىمەن بىرگە تۇرادى. ونىڭ ەكى كوزى بىردەي كورمەيدى. بىراق ماعان ءبارىبىر، باستىسى انام قاسىندا! مەن بۇل تۋرالى ءومىر بويى ارماندادىم»، - دەپ اتاپ ءوتتى قىز.
ايتۋىنشا، ول اناسىن باقىتتى ەتۋ ءۇشىن ءبارىن جاسايدى.
