Lıýbov Kleımenova segiz jasynan bastap ákesi men ata-ájesiniń qolynda tárbıelengen. On jasynda týystary anasynyń qaıtys bolǵanyn aıtyp, qaıtys bolǵany týraly kýálikti kórsetti, dep habarlaıdy «Adyrna» «Moı gorod» basylymyna silteme jasap.
Áıel «Moı gorod» portalynyń jýrnalısterine anasynyń erkeligin, qamqorlyǵyn, ystyq alaqanyn armandap, túrmede otyrǵandaı ómir súrgenin aıtty. Anasy Vera Chernoıarovamen ótkizgen sońǵy kún onyń jadynda máńgilik qaldy.
28 jyldan keıin ol anasyn tirideı tapty. Lıýbov Kleımenova ony otanyna qaıtarý úshin barlyǵyn jasady, Reseıde eshqandaı qujatsyz júrgen anasy qyzymen qaýyshqan.
«Atammen sotta onyń qaıtys bolýy týraly kýálikti joıýǵa týra keldi, óıtkeni ol meni qamqorlyqqa alǵan jáne osy qujattardy ádeıi jasaǵan. Sosyn men oǵan balalyǵymmen sendim. Jol boıy men qatty ýaıymdadym, kezdesýde bir-birimizdi qushaqtap únsiz jyladyq. Tynyshtaldy. Biz sóılestik. Men ony Astrahandaǵy elshilikke apardym», - deıdi Kleımenova.
Áıel anasy aqyryndap jańa elge úırenip kele jatqanyn aıtady. Nemerelerimen oınap marqaıyp júrgenin de jasyrmady.
«Anam menimen birge turady. Onyń eki kózi birdeı kórmeıdi. Biraq maǵan báribir, bastysy anam qasynda! Men bul týraly ómir boıy armandadym», - dep atap ótti qyz.
Aıtýynsha, ol anasyn baqytty etý úshin bárin jasaıdy.
